Osyndaı ataýmen halyqaralyq balalardy qorǵaý kúnine oraı 27 mamyr-3 maýsym aralyǵynda elimizde aksıa ótedi.
Oǵan bilim berý uıymdarynyń janyndaǵy pedagogıkalyq qoldaý ortalyqtarynda jattyqqan belsendi ata-analar qatysýda, dep habarlaıdy Almaty-akshamy.kz Oqý-aǵartý mınıstrligine silteme jasap.
Onyń maqsaty – jaıly bilim berý ortasyn qalyptastyrý úshin ata-analar men pedagogterdiń yntymaqtastyǵyn qurý.
«Ata-analar ózderiniń ómirlik tájirıbelerin, bilimderin, jaqsy qasıetterin balalardyń boıyna sińire alady. İs-shara aıasynda olardyń kásibı jáne jeke tájirıbelerin paıdalana otyryp, balalarmen kóbirek jumys jasaýyna kóńil bólýdi usynyp otyrmyz», - deıdi «Órken» balalardyń ál-aýhatyn arttyrý ulttyq ǵylymı-praktıkalyq ınstıtýtynyń prezıdenti Esenǵazy Imanǵalıev.
Aksıa baǵdarlamasyna otbasylyq is-sharalar, sheberlik synyptary, sporttyq saıystar, trenıńter, shyǵarmashylyq baıqaýlar, oıyndar, dıalog alańdary, kvestter, keńes berýler, jeke sesıalar men basqa da kóptegen sharalar engizilgen.
Aıta keteıik, 2023 jyldyń qyrkúıeginen bastap elimizdiń bilim berý uıymdarynda Ata-analardy pedagogıkalyq qoldaý ortalyqtary jumys jasaýda. Bul ortalyqtarǵa búginge deıin 3,7 mln qazaqtandyq ata-ana qatysyp, oqý-jattyǵýdan ótti.