Dinı ekstremızm týraly polıseılerge dáris berildi.
Almaty-1 stansıasyndaǵy jelilik polısıa basqarmasynyń jeke quramy arasynda jýyrda “Bilim jáne jańa ınovasıalyq tehnologıalar” ortalyǵy dinı ekstremızm men terorızmniń aldyn alý boıynsha dáris ótkizdi, dep habarlaıdy Almaty-akshamy.kz Polisia.kz-ke silteme jasap.
Dáris barysynda Almaty qalasy aqparattyq-túsindirý tobynyń múshesi ıslamtanýshy Nurlan Myrzabaev destrýktıvti dinı aǵymdardyń belgileri men sol dindi ustanýshylardyń ádetteri jaıly leksıa oqydy.
Sonymen qatar ol ekstremıstik ıdeıalardyń taralýy, ulttyq jáne dinı qundylyqtardyń ózara baılanysy týraly keńinen áńgimelep, halyqtyń jalpy mádenıeti men bilimin, onyń ishinde konfesıaaralyq beıbitshilik pen kelisimdi qamtamasyz etý úshin otbasynda quqyqtyq sana men tolerantty dástúrlerdi arttyrýdyń mańyzdylyǵyn atap ótti, jeke quram arasyndaǵy dáris kezinde kóliktegi polısıa departamenti EQİQB bastyǵy D.M. Dirkenov ta sóz sóılep, atalǵan taqyryptyń kóliktegi polısıa qyzmetkerleri úshin asa mańyzdy ekenin atap ótti. Sarapshylar dáris sońynda jeke quramnyń ózekti suraqtaryna jan-jaqty jaýap berdi.