Ǵylym jáne joǵary bilim vıse-mınıstri Gúlzat Kóbenovanyń aıtýynsha, bıyl Ulttyq biryńǵaı testileýge 210 myńnan astam talapker qatysty, onyń ishinde 160,5 myń adam nemese 76,3% joǵary bilim alýǵa qajetti shekti bal jınady.
"Memlekettik bilim granttarynyń konkýrsyna 113 myńǵa jýyq ótinim berildi, bul ótken jylmen salystyrǵanda 9 myńǵa artyq. Joǵary jáne joǵary oqý ornynan keıingi bilimi bar kadrlardy daıarlaýǵa 93 232 grant bólindi, onyń ishinde 77 myńnan astamy joǵary bilimge arnalǵan. Konkýrs qorytyndysy boıynsha granttardyń 99% ıgerildi. Qazirgi kezde barlyq JOO-larǵa qabyldaý aıaqtaldy", – dedi spıker baspasóz konferesıasy barysynda.
Onyń málimetinshe, bıyl shákirtaqyny jyl saıynǵy arttyrý kózdelgen.
"2020 jylmen salystyrǵanda olardyń mólsheri is júzinde eki ese ósti. 2025 jyldyń 1 qyrkúıeginen bastap bakalavrıat stýdentteri úshin stıpendıa 52 372 teńgeni, pedagogıkalyq mamandyqtar stýdentteri úshin – 84 000 teńgeni, magıstranttar úshin – 117 098 teńgeni, doktoranttar úshin – 262 500 teńgeni quraıdy", – dep túıindedi ǵylym jáne joǵary bilim vıse-mınıstri.