Baǵdadta Qazaqstan pavılony ashyldy
Qazaq kıiz úıi Iraktyń jyl saıynǵy «Iraqi Tourism–2023» halyqaralyq týrısik forýmynyń naǵyz sánine aınaldy
Qazaqstannyń Iordanıadaǵy Elshiligi «Hala Kazakhstan» týrısik kompanıasymen birlesip, Baǵdad qalasynda Qazaqstan pavılonyn ashty, dep habarlaıdy Almaty-akshamy.kz SİM baspasóz qyzmetine silteme jasap.
Elimizdiń stendi jáne dástúrli qazaq kıiz úıi Iraktyń jyl saıynǵy «Iraqi Tourism–2023» halyqaralyq týrısik forýmynyń naǵyz sánine aınaldy. Pavılonǵa Iraktyń Mádenıet, týrızm jáne kóne zattar mınıstri Ahmed Fakak ál-Badranı kirip-shyqty.
Forým aıasynda Iraktyń týrısik kompanıalarymen ekijaqty kezdesýler ótti, sondaı-aq elimizdiń týrısik jáne ınvestısıalyq áleýeti tanystyryldy. Atalǵan is-sharaǵa Qazaqstannyń qatysýy Irak azamattarynyń asa qyzyǵýshylyǵyn týdyrdy.
Sonymen qatar Elshilik qyzmetkerleriniń Baǵdadqa sapary sheńberinde jergilikti Saýda palatasynyń prezıdenti Farıs Ál-Hamdadımen jáne Irak temir joldarynyń Bas dırektory Iýnıs Haled Djavadımen kezdesýler ótkizildi. Kelissózder barysynda Qazaqstan-Irak saýda-ekonomıkalyq, kólik jáne ınvestısıalyq yntymaqtastyǵyn damytý perspektıvalary, sondaı-aq taýar aınalymyn ulǵaıtýǵa jáne birlesken jobalardy iske asyrýǵa baǵyttalǵan naqty qadamdar talqylandy.
Irak tarapy tıisti sharttyq-quqyqtyq bazany qalyptastyrýǵa múddeliligin jáne ekijaqty qatynastardy odan ári jandandyrýǵa daıyndyǵyn bildirdi.