Oqıǵanyń sebebi anyqtalyp jatyr
Grekıada poıyz apatynan qaza tapqandar sany 36 adamǵa jetti. Taǵy 66-sy jaralanǵan. Kóz jumǵandar áli de artýy múmkin. 6 adam jansaqtaý bóliminde jatyr, dep habarlaıdy Almaty-akshamy.kz Qazaqstan.tv-ge silteme jasap.
Qaıǵyly oqıǵa Larısa qalasy mańynda boldy. 350 jolaýshy mingen temirjol kóligi júk poıyzymen soqtyǵysqan. Apat ornynda órt tutanyp, jolaýshylar poıyzynyń aldyńǵy eki vagony tolyǵymen órtendi. Qarama-qarsy baǵytta júıitkip kele jatqan eki poıyzdyń nelikten bir jolda qozǵalǵany belgisiz. Oqıǵanyń sebebi anyqtalyp jatyr.
«Elimiz úshin óte aýyr kún boldy. Tragedıa. Qurban bolǵandardyń jaqyndaryna qaıǵyryp kóńil aıtamyz. Jaralanǵandarǵa em kórsetý, máıitterdi anyqtaý qajet. Apattyń sebebin anyqtaımyz. Buǵan kepil bere alamyn. Mundaı oqıǵanyń qaıtalanbaýy úshin qoldan kelgenniń bárin jasaımyz», - dedi Grekıa Premer-mınıstri Kırıakos Mısotakıs.