Bul týraly Almaty qalasynyń Kásipkerlik jáne ınvestısıalar basqarmasynyń basshysy E.Orazalın aıtty.
Nan baǵasyn ustap turý maqsatynda «Azyq-túlik kelisim shart korporasıasy» UQ» AQ qorynan qalanyń un tartý kásiporyndaryna sýbsıdıalanǵan astyqty jetkizý jalǵasýda. Áleýmettik nannyń satý baǵasyn belgileý úshin, «Almatydán» JSHS-ne 150 mln teńge mólsherinde aınalym zaemyn bólý josparlanýda, dep habarlaıdy Almaty-akshamy.kz
"Jalpy, ÁMAT baǵasynyń ósýin turaqtandyrý úshin «Toımart» (515,5 mln teńge) jáne «Magným» (5,8 mlrd teńge) saýda jelilerimen qaryz alý sharttary uzartyldy. Qosymsha, 2 mlrd.teńge ÁMAT-ty belgilengen baǵamen satý úshin «Small» jelisinde, sondaı-aq jumyrtqany tómendetilgen baǵamen satý úshin «Koger» JSHS-ne 1 mlrd teńge salynatyn bolady",- deıdi Almaty qalasynyń Kásipkerlik jáne ınvestısıalar basqarmasynyń basshysy E.Orazalın.
Baǵanyń negizsiz ósýine jol bermeý maqsatynda V, S klasty dúkenderindegi baǵalarǵa monıtorıń júrgiziledi jáne iri dıstrıbúterler men óndirýshilerden tikeleı kóterme baǵalar boıynsha bakaleıa ónimderin tikeleı jetkizý uıymdastyrylǵan. Sonymen, «úı janyndaǵy» 1 myńnan astam dúken jetkizilimmen qamtylǵan, onda 8 ÁMAT ataýy boıynsha (jumyrtqa, qant, kúrish, un, kúnbaǵys maıy, qaraqumyq, rojkı, tuz) shamamen 1,5 myń tonna ónim tıelgen.
Baǵanyń negizsiz ósýine jol bermeý úshin «Almaty qalasy boıynsha Básekelestikti qorǵaý jáne damytý departamentimen» birlesip ÁMAT-qa saýda ústemesiniń 15% saqtalýyn baqylaý boıynsha jumys júrgizilýde.
Jalpy, jyl basynan beri Almatyda ÁMAT baǵa ındeksi ortasha respýblıkalyq deńgeıde (Almaty – 114,2%, QR – 114,1%). Qorytyndylaı kele, Almatyda baǵany ustap turý úshin keshendi jumys júrgizilip, barlyq qajetti sharalar qabyldanǵanyn atap ótkim keledi.