Birinshi toqsannyń qorytyndysy boıynsha 19,8%-ǵa ósken.
Almaty qalasynda ekonomıkalyq ósý qarqyny men iskerlik belsendiliktiń qalpyna kele bastaýy baıqalady. Bul týraly qalalyq kásipkerlik jáne ınvestısıalar basqarmasynyń basshysy Erkebulan Orazalın brıfıńte aıtty, dep habarlaıdy Almaty-akshamy.kz.
Birinshi toqsannyń qorytyndysy boıynsha, Almaty qalasynda ekonomıkalyq ósý qarqyny men iskerlik belsendiliktiń qalpyna kele bastaýy baıqalady. Máselen, aǵymdaǵy jyldyń úsh aıynda qala 19,8%-ǵa ósýge qol jetkize otyryp, 248 mlrd teńgeden astam ınvestısıa tartyldy (QR – 2 263,1 mlrd teńge nemese 101,5%).
Investısıanyń edáýir kólemi jyljymaıtyn múlik (131,4 mlrd teńge), kólik jáne qoımalaý (27,2 mlrd teńge), ónerkásip (20,4 mlrd teńge), qarjy jáne saqtandyrý qyzmeti (14,8 mlrd teńge) salalarynda tartyldy.
Ónerkásip ónimin óndirý kólemi damýdyń oń serpinin kórsetýde. Birinshi toqsanda Almatyda 387,8 mlrd. teńgeniń ónimi óndirilip, 11,5%-ǵa artty. Óńdeý ónerkásibiniń 18%-ǵa ósýin erekshe atap ótkim keledi, bul, eń aldymen, mashına jasaýdyń belsendi damýynyń 1,7 ese ósýine baılanysty.
Tamaq ónimderi óndirisinde 1,6%-ǵa (63,5 mlrd teńge, úlesi – 20,4%); ózge de metal emes mıneraldyq ónimder óndirisinde 41,1%-ǵa(13,9 mlrd teńge, úlesi - 4,5%); sýsyndar óndirisinde 10,5%-ǵa (15,6 mlrd teńge, úlesi - 5%); jeńil ónerkásipte 2,9 esege (3,8 mlrd, úlesi - 1,2%); negizgi farmasevtıkalyq ónimder men farmasevtıkalyq preparattar 5,4%-ǵa (5,8 mlrd teńge, úlesi - 1,9%); hımıa ónerkásibi ónimderin óndirý 26%-ǵa (3,2 mlrd. teńge, úlesi - 1%).