Ázirbaıjan Mınıstrler kabıneti Reseı azamattarynyń el aýmaǵynda bolý tártibine ózgerister engizdi. Jańartylǵan erejeler úkimettiń resmı saıtynda jarıalanyp, 2025 jylǵy 1 qańtardan bastap kúshine enedi, dep habarlaıdy aqshamnews.kz
«Ázirbaıjan Respýblıkasyna vızasyz kelgen Reseı azamattary men Reseı Federasıasynda turaqty turatyn azamattyǵy joq tulǵalardyń ýaqytsha turý merzimi bir kúntizbelik jyl ishinde 90 kúnnen aspaýy tıis», – delingen qujatta.
Qujatqa eldiń premer-mınıstri Alı Asadov qol qoıǵan.
Bul ózgerister Reseı tarapynan buryn engizilgen uqsas ózgeristerge jaýap retinde qabyldandy. 26 jeltoqsanda Reseıdiń Syrtqy ister mınıstrliginiń saıtynda shetel azamattarynyń elde ýaqytsha turý merzimin jylyna 90 kúnge deıin qysqartý týraly habarlama jarıalanǵan bolatyn.
Ázirbaıjannyń Syrtqy ister mınıstrligi eldiń kóshi-qon saıasatynda ózara jáne teńdik qaǵıdattaryn ustanatynyn, osy negizde jańa erejeler qabyldanǵanyn málimdedi.