AQSH-tyń burynǵy prezıdenti Djımmı Karter 100 jasynda qaıtys boldy
Djımmı Karter, AQSH-tyń 39-prezıdenti jáne Beıbitshilik salasyndaǵy Nobel syılyǵynyń laýreaty, Djordjıa shtatynda ómirden ótti.
Onyń qaıtys bolǵany týraly The Washington Post basylymy Djeıms Karter III-tiń málimdemesine súıene otyryp habarlady. Ólimniń sebebi jarıalanǵan joq.
Karter 1977-1981 jyldary AQSH prezıdenti qyzmetin atqarǵan. Prezıdenttik qyzmetten ketkennen keıin ol qaıyrymdylyqpen jáne gýmanıtarlyq jobalarmen aınalysty.
Ol AQSH tarıhyndaǵy eń uzaq ómir súrgen prezıdent atandy. Onyń tórt balasy, 11 nemeresi jáne 14 shóberesi bar.
AQSH-tyń saılanǵan prezıdenti Donald Tramp pen qazirgi prezıdent Djo Baıden qaıǵylaryna ortaqtasyp kóńil aıtty. Baıden men onyń jubaıy Djıll Baıdenniń málimdemesinde Karterdiń murasynyń mańyzdylyǵy men onyń elge qosqan úlesi erekshe atap ótildi.