Úndistannyń Delı, Kerala jáne Mýmbaı sekildi iri qalalarynda dárigerler dabyl qaǵa bastady, dep habarlaıdy aqshamnews.kz gulfnews.com-ǵa silteme jasap.
Kovıd Úndistannyń qalalyq aımaqtarynda birtindep jandanyp, Delı, Karnataka jáne Mýmbaı sıaqty shtattar men odaq aýmaqtaryndaǵy aýrýhanalar joǵary daıyndyq jaǵdaıyna kóshirildi. Sebebi, osy aıda Delı, Maharashtra, Kerala, Tamıl Nadý jáne Karnataka shtattarynda jańa jaǵdaılar tirkelgen. Kóbinde aýrý belgileri jeńil ótip jatyr. Dese de aýrýhanalar naýqastardy qabyldaýǵa joǵary daıyndyqta otyr.
Naýqastardyń deninde JN.1 shtamy anyqtalyp otyr. Qazir indet Azıanyń ózge elderinde tez taralyp jatyr. Taılandta ótken aptada 16 myń adam medısınalyq kómekke júgingen. Sıngapýrde naýqastardyń jaǵdaıy asqynyp, úshten birin aýrýhanaǵa jatqyzýǵa týra keldi. Al Gonkongta vırýstan 30 adam kóz jumǵan.
Ońtústik Azıadaǵy ınfeksıa Omicron-nyń qosalqy nusqasy bolyp tabylatyn JN.1-men baılanysty bolýy múmkin.