Almatydaǵy Medeý muz aıdynynda Black Eyed Peas tobynyń mega-juldyzdary «Azıa daýysy–2023» festıvalinde óner kórsetti.
Festıvál tarıhynda alǵash ret shaqyrylǵan álem juldyzdarynyń tolyqqandy jeke konserti ótti. Ol zakazbiletov.kz jobasynyń dırektory Sábıt Súleımenovtiń arqasynda múmkin boldy. Nelikten «Black Eyed Peas?». Olar Qazaqstanǵa qalaısha keldi? Sábıt Súleımenovtiń aıtýynsha, Black Eyed Peas toby qazir Eýropadaǵy gastrólde júr. Eger olar Amerıkada bolǵanda alyp kelý qıynǵa soǵar edi. «Azıa daýysynyń» ýaqytynda olar bos boldy. Almatyǵa Vengrıadan ushyp keldi, endi Ispanıaǵa ushyp ketedi.
Qazirgi ýaqytta Black Eyed Peas toby «Where is the Love?» hıtiniń 20 jyldyǵy jáne osy attas toǵyzynshy álbomnyń shyǵýyna oraı Elevation álemdik týrnesin ótkizýde. Birge atap ótý úshin tiri ańyz will.i.am topqa qaıta qosyldy. Al J.Rey Soul Fergıdi sátti almastyrdy.
Keshegi konsertte kishigirim oqıǵa boldy. Daǵystannan kelgen toptyń jankúıeri sahnaǵa plakat ustap kirdi. Tipti, onymen birge ánniń bir bóligin oryndady. Onyń qýanyshynda shek bolmady! Stadıondaǵy baqytty adam men will.i.am áreketin qatty qoldady. Bul qazirdiń ózinde jandanǵan «Azıa daýysy» týrızminiń damýyna myqty áser berýde. Sebebi, Qazaqstannyń ár qalalarynan jáne Reseı, Birikken Arab Ámirlikteri sıaqty birneshe elderden jankúıerler Almatyǵa tek Black Eyed Peas úshin keldi. Almaty buryn-sońdy mundaı keremet shoýdy kórgen emes: Black Eyed Peas 2000 jyldardaǵy hıtterin oryndaǵan kezde kórermender túgel bılep ketti.
Bul saltanatty kesh óte jaqsy aıaqtaldy. «Hareket» qoǵamdyq qory «Azıa daýysy» sahnasynda qazaqstandyqtardyń aqshasyna satyp alynǵan páterdiń kiltin muqtaj otbasyna tabys etti! «Hareket» qory 2017 jyly «1000 TEŃGEGE BASPANA» jobasy aıasynda qurylǵan edi. Muqtaj jandarǵa kómektesý úshin árkim bar bolǵany myń teńge bere alady. Osylaısha kómekke qajetti soma jınalady. Qurylǵaly beri qor otbasylarǵa 650-den astam úı satyp alsa, keshe Aıgúl Sarybaevanyń otbasy baspana kiltin aldy. Shańyraqtary baqytqa toly bolsyn! «Azıa daýysy» ánmen ǵana emes, ıgi istermen de biriktiredi!
Festıvál demeýshilik pen aqparattyq qoldaýdyń arqasynda múmkin bolǵanyn eske salamyz! «Azıa daýysy–2023» festıvaliniń bas seriktesi jáne teń uıymdastyrýshysy – Halyk Bank. Onyń syılyqtary kún saıyn Medeýdegi is-sharalar kezinde oınatylady jáne oǵan barlyǵy qatysa alady!
30 shildede ótetin konsertke bılet satyp alǵandar festıváldiń taǵy bir demeýshisi – Allur Auto usynǵan Chevrolet Onix avtokóligin utyp alý múmkindigine ıe boldy.
Almaty qalasynyń ákimdigi kórermenderdiń Medeýge ońaı jetip, qalaǵa jyldam oralýyn qamtamasyz etti. Festıvál kezinde qosymsha avtobýs baǵyty iske qosyldy. Sátbaev pen Baıtursynov qıylysynan avtobýstar saǵat 14.00-den 24.00-ge deıin 10–15 mınýt aralyqpen júrip turdy. Bir baǵytqa júrý quny 150 teńge. Keshe konsertten qaıtqan halyqty avtobýstar tegin tasydy.
Resmı telearna: Silk Way bolsa, resmı gazetter: «Almaty aqshamy» men «Vechernıı Almaty» boldy.
Aqparattyq qoldaýdy «1 kanal «Evrazıa», «NTK», MUZZONE TV, Business FM, RadioCitý, «Delovoı Kazahstan», «Qala men dala», «Novoe pokolenıe», «Moskovskıı komsomoles», Forbes.kz, Zakon.kz, Caravan.kz, Kursiv.media, Nege.kz, Arbat.media, Informburo.kz, Baigenews.kz, Zhatpa.kz, Weproject.media, DALA INSIDE telegramy, Túrkitildes jýrnalıser qory men «Qazaqstandyq pres-klýb» júzege asyrdy. Sonymen qatar, «Azıa daýysy» jobasynyń negizin salǵan, ıdeıa avtory Murat Erǵalıev pen rejıser Aleksandr Ponomarevtyń erligi oıǵa oralady.
Aıta keteıik, án festıvali 3 kúnge sozylǵan bolatyn. Jas ónerpazdar Ǵalymjan Moldanazar, Sadrıddın, taǵy basqalar óner kórsetti, án shyrqady.
«Bizdiń sharamyz kóptiń kóńilinen shyqqanyna rızamyz. Kórermender kóptep keldi. Qoldaýlaryńyzǵa alǵys bildiremiz», – dedi medıamenedjer Armanjan Baıtasov. Qazirgi tańda jas óner juldyzdary ósip keledi. Olar da aty ańyzǵa aınalǵan festıvál konsertine qatysqandyqtaryna dán rıza.
«Azıa daýysy» – ańyzǵa aınalǵan festıvál. Bala kezimizden yntyq bolyp óstik. Búginde ártis retinde ózim shyqtym. Júregimnen úlken oryn alady», – dedi ánshi Ǵalymjan Moldanazar. Sondaı-aq, qala turǵyndary da óz kóńil kúıimen bólisti. İshtegi syrlarymen bólisip, burynǵy kezeńderdi eske aldy.
«Qansha jyldan beri kúttik. Osy konserttik sharany saǵyndyq. Sonaý 2000 jyldardyń tóńireginde aty dúrkirep turatyn. Sol kezde teledıdardan kórsetip, gazetke jarnamalaıtyn. Endi tek jandana bersin degen nıettemiz», – dedi qala turǵyny Gúlzıra Orazova.