Welcome to Kazakhstan! Almaty jáne Jetisý oblystaryna keletin sheteldik týrıser qonaqúılerden góri qazaqtyń kıiz úıine qonǵandy jón sanaıdy.
Osylaısha elimizdiń mádenıeti men tarıhyn tereńirek tanýǵa tyrysady. Qazaqtyń tumsa tabıǵatyn tamashalaýǵa kelgen sheteldikterge aýyl turyndary kómektesýde, dep habarlaıdy Almaty-akshamy.kz Qazaqtv.com saıtyna silteme jasap.
Aýyl mektebinde muǵalim bolyp isteıtin Ardaq Omarovanyń týrısik bıznestiń qyr-syryn úırenip, qonaq úı ashqanyna 4 jyl boldy. Bir ýaqytta 18 adamdy qabyldaı alady. Aýlaǵa kıiz úı ornatqan. Munda meımandarǵa et, qurt, baýyrsaq, qymyz, shubat sekildi ulttyq taǵamdar usynady. Osy jyldary qonaq úıde álemniń 60 elinen kelgen týrıser toqtaǵan.
« 2018 jyly bastadym. 2019 jyly jaqsy jumys jasadyq. Tek qana sheteldik týrısermen. 2020 jyly pandemıa bolyp ketti ǵoı. Sol kezde kishkene toqtap qaldy bıznesimiz. Áli de jalǵastyramyz. Áli de jumys jasaımyz. Maǵan ózi qonaq kútken óte unaıdy», - deıdi aýyl turǵyny Ardaq Omarova.
«Meniń munda kelgenime 10 kúnnen asty. Saıahattan alǵan áserimdi aýyzben aıtyp jetkizý múmkin emes. Qazaq qonaqjaı degendi estýshi edim, osy joly tánti boldym. Ulttyq taǵamdaryńyzdyń dámi til úıiredi. Al tabıǵaty qandaı tamasha! Jer betindegi jumaq meken desem artyq aıtqanym emes», - deıdi Italıadan kelgen saıahatshy Djordjo Leonı.