Sıfrlyq servıster men qyzmetter qoljetimdi bolýy tıis.
QR Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsınniń aıtýynsha, aýyl poshtalarynda «sıfrlyq buryshtar» paıda bolady, dep habarlaıdy Almaty-akshamy.kz QazAqparatqa silteme jasap.
Bul týraly Baǵdat Mýsın Májilistiń jalpy otyrysynda sırlandyrýǵa qatysty zań jobasyn tanystyrý kezinde aıtty.
«Turǵylyqty jerine qaramastan, ár azamat úshin sıfrlyq servıster men qyzmetter qoljetimdi bolýy tıis. Bul úshin zań jobasynda ulttyq poshta operatorynyń poshta jelisi negizinde aýyldyq eldi mekenderde memlekettik qyzmetterge qoljetimdiliktiń sıfrlyq núktelerin qurý usynylady», - dedi mınıstr.
Aıtýynsha, atalǵan sıfrlandyrý núktesi poshta baılanysy bólimshesiniń qyzmetkeri qyzmet kórsetetin, ınternetke qoljetimdiligi bar kompúterlik jáne uıymdastyrý tehnıkasymen jabdyqtalǵan oryn bolady.
«Qazposhtanyń eki myńǵa jýyq aýyldyq bólimshelerinde sıfrlyq qoljetimdilik núktelerin ashý josparlanýda. Osy elektrondyq buryshtarda halyq qyzmetter alyp, memlekettik organdarǵa elektrondyq ótinishter joldaı alady», - dedi vedomstvo basshysy.
Aıta keteıik, búgingi Májilistiń jalpy otyrysynda Aıdos Sarym Májilistiń Halyqaralyq ister, qorǵanys jáne qaýipsizdik komıtetine aýysty.