Áýezov aýdanynyń áleýmettik-ekonomıkalyq damý qarqyny ornyqty. Ótken jyly shaǵyn jáne orta bıznes nysyndarynyń sany 7 paıyzǵa ósip, 57,1 myńnan 61 myńǵa jetken edi. Bul óz kezeginde 9 myńnan astam jańa jumys ornyn ashýǵa múmkindik berdi. Aýdan ekonomıkasyna 82 mıllıard teńge ınvestısıa tartyldy, bul qalalyq jalpy kólemniń 5,8 paıyzy degen sóz. Almaty qalasy óńirlik komýnıkasıalar qyzmetinde ótken brıfıńte Áýezov aýdanynyń ákimi Abzal Egemberdıev osylaı dep málimdedi.
Ákimniń aıtýynsha, shaǵyn jáne orta bıznes - aýdan ekonomıkasynyń negizgi qozǵaýshy kúshi. Aýdanda qazir 12 iri kásiporyn jumys isteıdi. Bıylǵy jyldyń basynan beri olar 83 mıllıard teńgeniń ónimin óndirgen. Jyl sońyna deıin bul kórsetkishti 100 mıllıard teńgege deıin jetkizbek oıda.
- Basqa salada da osyndaı ósim bar. Bólshek saýda kólemi ótken jylmen salystyrǵanda 30 paıyzǵa artyp, 798 mıllıard teńgege jetti (ótken jyly – 612,7 mıllıard teńge bolatyn). Qurylys salasy 46 paıyzǵa ósip, tabys 62 mıllıard teńgeni qurady.
- Salyq pen búdjetke tólenetin basqa da tólemderdiń túsimi jospardan asyp, jospardaǵy 265 mıllıard teńgeniń ornyna 284 mıllıard teńgege jetti. Ósý qarqyny – 125 paıyz.
Osynyń arqasynda Áýezov aýdany Almatydaǵy qarqyndy damyp kele jatqan aýdannyń biri bolyp, qala ekonomıkasyna eleýli úles qosyp otyr.