Premer-mınıstr Oljas Bektenov senat depýtaty Olga Býlavkınaǵa joldaǵan jaýabynda qolaısyz meteorologıalyq jaǵdaı (QMJ) kezinde mektep, kolej jáne joǵary oqý oryndaryn qashyqtan oqytý tártibi zańnamalyq turǵyda rettelgenin málimdedi, dep habarlaıdy aqshamnews.kz
Úkimet basshysy qashyqtan bilim berý resmı oqý formasy ekenin eske saldy. Bul tártip 2023 jyldyń 27 qarashasyndaǵy №349 buıryqpen bekitilgen.
Bektenovtyń aıtýynsha, onlaın format NMÝ ǵana emes, tótenshe jaǵdaı, karantın, medısınalyq qorytyndy, ata-analardyń ótinishi nemese ózge de sebepter boıynsha qoldanylýy múmkin.
- Eger aýadaǵy zıandy zattardyń mólsheri ruqsat etilgen deńgeıden úsh ese asyp, QMJ ekinshi nemese úshinshi deńgeıi tirkelse, jergilikti atqarýshy organdar oqýshylardy qashyqtan oqytýǵa kóshirý týraly sheshim qabyldaýǵa quqyly, – delingen premer-mınıstrdiń jaýabynda.
Bektenov bul máseleler Úkimettiń turaqty baqylaýynda ekenin atap ótti.