«Almaty» ÁKK» AQ enshiles uıymy «Almaty Finance» JSHS Almatynyń Indýstrıalyq aımaǵynda jańa shaǵyn ónerkásip parkin salý úshin nesıe jelisin ashty. Bul týraly «Almaty» ÁKK-niń ókilderi habarlady.
Joba «Almaty Business – 2025» óńirlik baǵdarlamasy aıasynda qarjylandyryldy. Nesıelik jeliniń jyldyq somasy 6 paıyzdyq mólsherlememen 500 mln teńge. Jobany «Kapstroıgrýpp-T» JSHS júzege asyrady. Kompanıanyń jeke ınvestısıa kólemi 700 mln teńge. Jobanyń jalpy quny – 1,2 mlrd teńge.
Jańa shaǵyn ónerkásip parki aýdany 1 gektar bolatyn jer teliminde salynady. Joba aıasynda jalpy aýdany 8 927 sharshy metr bolatyn úsh óndiristik jáne bir ákimshilik ǵımarat boı kóteredi, onyń 7 588 sharshy metri jalǵa beriledi. Ónerkásip parktiń aýmaǵynda 8-den 10-ǵa deıin shaǵyn jáne orta bıznes nysandary bolady, bul shamamen 150 jumys ornyn ashýǵa múmkindik beredi.
«Shaǵyn ónerkásip parkterin damytý arqasynda kásipkerler bastapqy shyǵynsyz zamanaýı óndiris oryndaryn qura alady. Mundaı ǵımarattardy jalǵa alý quny bir sharshy metrine 2 350 teńgege deıin beriledi, bul soma SHOB úshin qoljetimdi. Almaty aýmaǵynda 30-dan astam shaǵyn ónerkásip parki jumys isteıdi, onyń 15-in «Almaty Finance» qarjylandyrdy», - dedi «Almaty Finance» JSHS basqarma tóraǵasy Erlan Egemberdıev.
Qazirgi kezde nysan 43% daıyn. Óndiristik ǵımarattardyń qańqalyq jáne ákimshilik ǵımarattyń kópqabatty beton qurylymynyń qurylysy bitti.
Shaǵyn ónerkásip parkiniń qurylysyn 2026 jyly 2 toqsanda aıaqtaý josparlanyp otyr.