Aýa raıyna baılanysty eki óńirde jol jabyldy

Mamandar qazaqstandyqtardy alys jolǵa shyqpaýǵa shaqyrdy.

Qazaqstannyń eki oblysynda aýa raıynyń nasharlaýyna baılanysty kóliktiń barlyq túrleri úshin qozǵalys shekteldi, dep habarlaıdy Almaty-akshamy.kz «QazAvtoJolǵa» silteme jasap.

Atap ótkende, Aqtóbe oblysyndaǵy Samara-SHymkent tasjolynyń 526-610 shaqyrymy, Batys Qazaqstan oblysy – Qobda aýyly ýchaskesinde kóliktiń barlyq túri úshin qozǵalysqa shekteý engizildi.

Budan basqa, Batys Qazaqstan oblysynda joldyń birneshe ýchaskesi jabyldy. Osylaısha, tómendegi tasjoldarda kólikterdiń barlyq túrleri úshin qozǵalys shektelgen:

1. «Samara-SHymkent» tasjolynyń 394-526 shaqyrymdary, Jympıty aýyly – Aqtóbe oblysynyń shekarasy ýchaskesi


2. «Samara-SHymkent» tasjolynyń 266-394 shaqyrymdary, Podstepnoe aýyly – Jympıty aýyly ýchaskesi


3. «Samara-SHymkent» tasjolynyń 195-251 shaqyrymdary, Oral qalasy –RF shekarasy ýchaskesi.


4. «Atyraý-Oral» tasjolynyń 189-251shaqyrymdary, Atyraý oblysynyń shekarasy – Oral qalasy ýchaskesi.


5. «Podstepnoe-Fedeorovka-RF shekarasy» tasjolynyń 0-144 shaqyrymdary, Podstepnoe kenti – RF shekarasy ýchaskesi.


6. «Oral-Tasqala – RF shekarasy» tasjolynyń 195-251 shaqyrymdary, Oral qalasy – RF shekarasy ýchaskesi.

Eske sala keteıik, «QazAvtoJol» UK» AQ-nyń telegram áleýmettik jelisindegi resmı akkaýnty quryldy, onda respýblıkalyq mańyzy bar baǵyttardyń jabylýy men ashylýy týraly jedel habarlanady.

Qazavtojol azamattardy kún raıynyń ózgerýine basa nazar aýdarýǵa jáne alys jolǵa shyqpaýǵa shaqyrady.

Sonymen qatar, tótenshe jaǵdaılar týyndaǵan jaǵdaıda júrgizýshiler men jolaýshylarǵa «QazAvtoJol» UK» AQ táýlik boıy jumys isteıtin call-ortalyǵynyń 1403 qysqa nómiri arqyly habarlasý kerektigi aıtylǵan.