Polısıanyń servıstik modeli engizilgen
Atyraýda jyl basynan beri kameramen kómegimen 111 qylmys ashylǵan, dep habarlaıdy Almaty-akshamy.kz QazAqparat-qa silteme jasap.
Oblystyq polısıa departamentiniń shtab basqarmasy bastyǵynyń orynbasary, polısıa podpolkovnıgi Altynbek Qaıyrlıevtyń aıtýynsha, Atyraý qalasynyń aýmaǵynda 3 507 beınebaqylaý kamerasy ornatylǵan. Onyń ishinde 759-y jedel basqarý ortalyǵyna tıesili bolsa, «Sergek» jelisinde 1 997, al, «Integrasıa» júıesinde 750 kamera bar.
«Beınekameralar kólik qozǵalysynyń júrisin jedel baqylap, qaýipti jaǵdaılardyń aldyn alýǵa, quqyq buzýshylyqtyń izin sýytpaı anyqtaýǵa yqpal etedi. Kóshedegi kameralardyń polısıa jumysynyń tıimdiliginiń arttyrýǵa, túrli qylmystyń jedel ashylýyna tıgizer kómegi zor. Máselen, jyl basynan beri jedel basqarý ortalyǵynyń beınebaqylaý kezekshi-ınspektorlary 111 qylmysty áshkereledi. Al, Jylyoı aýdanynda 2 qylmys «izi sýymaı» ashyldy», -deıdi Altynbek Qaıyrlıev.
Onyń málimetine súıensek, jyl basynan beri atalǵan kameralardyń kómegimen 8 671 ákimshilik quqyq buzýshylyq anyqtalǵan. Quqyq buzýshylyqtyń 7 522-si Atyraý qalasynyń aýmaǵynda, 1 149-y Jylyoı aýdanynda tirkelgen.
Bıyl Atyraý oblysynda «102» operatoryna 42 260 qońyraý túsken.
Eske sala ketelik, buǵan deıin Atyraý oblysynda polısıanyń servıstik modeli engizilgen.