Keshte Shámshiniń kópke tanyla qoımaǵan ánderi shyrqaldy
Almatynyń Respýblıka Saraıynda «Sharyqtasyn Shámshiniń asyl áni» atty konsert ótti, dep habarlaıdy Almaty-akshamy.kz Almaty.tv-ge silteme jasap.
Ulttyq jáne vokaldy aspaptar ansambliniń súıemeldeýimen keshte Shámshiniń kópke tanyla qoımaǵan ánderi shyrqaldy. Aıta keteıik, zaldy kórermenge lyq toltyrǵan konserttiń uıymdastyrýshysy - Túrkistan oblysynyń Qaldaıaqov atyndaǵy fılarmonıasy.
«Qazaq áni dese Shámshi kimniń bolsa da kóz aldyna elesteıdi. Mundaǵy halyqtyń kelýi de, bılettiń ótýi de bizdiń kóńilimizden shyǵyp, qatty qýanyp otyrmyz. Almaty qalasynyń mádenıet basqarmasyna raqmetimizdi aıtqymyz keledi osyndaı múmkindik bergenine», – dedi Túrkistan oblysy mádenıet basqarmasynyń basshysy Ázimhan Qoılybaev.
Shámshiniń ómirsheń ánderin dáripteýdi maqsat etken konsertke Túrkistan oblysynyń mádenıet qaıratkerlerimen qatar, elimizdiń tanymal ánshileri de qatysty.
«Konserttiń ereksheligi ózderińiz kórip otyrǵandaı, «Súgir» atyndaǵy ult aspaptar orkestrimen bári jandy daýysta ótti. Shámshi atamyzdyń búkil áni shyrqaldy. Men oılaımyn, búgingi konsertke kelgen halqymyz rıza bolady», – dedi dástúrli ánshi Narkenje Serikbaeva.