Atyraý oblysynda sot jergilikti turǵynǵa qatysty qylmystyq isti qarap, ony 7 jasar qyzdy zorlap, ádeıi óltirgeni úshin aıypty dep tanyp, ómir boıyna bas bostandyǵynan aıyrý jazasyn taǵaıyndady, dep habarlaıdy Aqshamnews.kz tilshisi sottyń baspasóz qyzmetine silteme jasap.
Qylmys 2025 jyldyń maýsymynda Qulsary qalasynda bolǵan. Sot anyqtamasyna sáıkes, ózen jaǵalaýynda serýendep júrgen 7 jastaǵy qyz úıine qaıtar jolda adasyp, mas kúıdegi beıtanys er adamǵa jolyqqan. Kúdikti «jol kórsetemin» dep aldap, balany ózen jaǵasyna aparyp, onyń dármensizdigin paıdalanyp, zorlyq kórsetken. Qylmysty jasyrý úshin ol balany uryp, keıin sýǵa batyryp jibergen.
Kiná dálelderin kýágerlerdiń aıǵaqtary, oqıǵa ornyn qaraý hattamasy, beınejazbalar jáne saraptamalar qorytyndylary rastady. Vıdeojazbalardyń birinde er adamnyń balany ertip ketip bara jatqany kórinedi.