2025 jylǵy 25 qarashada Astana qalasynda (Qazaqstan) «Álem Áýeni» halyqaralyq óner festıvali aıasynda Óner mýzeıiniń saltanatty ashylý rásimi ótti. İs-shara Astana qalasy ákimdigi men Túrki mádenıeti jáne murasy qorynyń birlesip uıymdastyrýymen ótkizildi, - dep habarlaıdy Aqshamnews.kz.
Saltanat barysynda alǵash ret keń aýdıtorıaǵa túrki áleminiń baı mýzykalyq jáne kórkem murasyn kórsetetin eksponattar, ınteraktıvti aımaqtar men sırek kezdesetin koleksıalar usynyldy.
Ashylý aıasynda dúnıejúzine tanymal sheberler jasaǵan mýzykalyq aspaptardy resmı tapsyrý rásimi ótti. Ǵasyrlyq dástúrler men zamanaýı sheberlikti úılestirgen bul aspaptar túrki mýzykalyq mádenıetiniń alýan túrliligi men baılyǵyn pash etetin biregeı óner týyndylary retinde joǵary baǵalandy.
Shara jalǵasynda «Túrki mýzykalyq aspaptary kórmesiniń» ashylýy ótti. Eksponattarda túrki halyqtarynyń mýzykalyq aspaptaryn jasaýǵa qatysty tarıhı, etnografıalyq jáne estetıkalyq málimetter usynylyp, kelýshilerge bul mura týraly ǵylymı ári kórneki túsinik alýǵa múmkindik berildi.
Kún baǵdarlamasyna túrki áleminiń belgili sheberleri ótkizgen sheberlik saǵattary da engizildi. Sabaq barysynda qatysýshylarǵa aspap jasaý úderisiniń qyr-syry, oryndaý erekshelikteri jáne dástúrli tehnıkalardy saqtaý jóninde tájirıbelik bilim usynyldy.
İs-shara Túrki mádenıeti jáne murasy qorynyń túrki áleminiń mýzykalyq murasyn saqtaý jáne nasıhattaý jolyndaǵy júıeli jumystary men seriktes uıymdarmen jemisti yntymaqtastyǵynyń kezekti mańyzdy úlesi retinde baǵalandy.