Astanada paralımpıadalyq sport túri – bochcha boıynsha Qazaqstan Respýblıkasynyń chempıonaty bastaldy, dep habarlaıdy almaty-akshamy.kz
İri sport saıysynyń ashylýynda sóz alǵan Senat tóraǵasy, Qazaqstan bochcha federasıasynyń prezıdenti Máýlen Áshimbaev elimizde ınklúzıvti sportty damytý mańyzdy ekenin atap ótti.
«Búgin munda barsha Qazaqstannan jas sportshylar, olardyń ata-analary, bapkerleri kelip otyr. Búgin shynaıy sport merekesi dep aýyz toltyryp aıta alamyz. Bul shara elimizde ınklúzıvti, kedergisiz ortany qalyptastyrýǵa úlken úles qosady dep senemiz. Prezıdent Qasym-Jomart Toqaevtyń bastamasymen múmkindigi shekteýli azamattardy, erekshe qajettiligi bar balalardy qorǵaý, qoldaý úshin kóptegen is-sharalar iske asyp jatyr. Onyń ishinde sapaly bilim berý, medısınalyq qyzmet, sondaı-aq sportpen aınalysýǵa jaǵdaı jasaý bar. Áli de atqarylatyn sharýa az emes. Bul turǵydan alǵanda ınklúzıvti sportty damytý mańyzdy», - dedi Máýlen Áshimbaev