Almatyda syrtqy jaryqtandyrý júıesin jańǵyrtý baǵdarlamasy jalǵasyp keledi. Alataý aýdanynda buryn jaryqpen tolyq qamtamasyz etilmegen kósheler men aýmaqtarda jaryq jelilerin qaıta qurý jumystary qolǵa alyndy. Bul týraly Alataý aýdany ákimdiginiiń ókilderi habarlady.
Jobalyq-smetalyq qujattama 2024 jyly ázirlenip, jalpy 255 aýmaqty qamtıdy. Olar aýdan aýmaǵyndaǵy kósheler, ótkelder men aýlalar.
Qazirgi ýaqytta qurylys-montaj jumysy Boraldaı, Mádenıet, 13–14-terrıtorıa, Ójet, Terekti, Shapaǵat, Darhan–Baıbesik, Altyn-alma, Tomırıs, Qarasý, Áıgerim-1,2, Shańyraq-1,2, Uljan-1,2, Aqbulaq, Zerdeli, Samǵaý jáne Kókqaınar shaǵynaýdandarynda júrgizilip jatyr.
Búginde 2 870 jaryq baǵany men 3 390 jaryq núktesi ornatyldy.
Jalpy joba boıynsha 2 900 jaryq baǵanyn, 3 550 sham ornatý, jaryq jelileriniń uzyndyǵyn 93 shaqyrymǵa jetkizý kózdelgen.
Qurylys-montaj jumysyn osy jyldyń qarasha aıynyń sońyna deıin aıaqtaý josparlanǵan. Joba tolyq iske asqannan keıin Alataý aýdany 100% jaryqtandyrylady.