Astana qalasynyń ákimi Jeńis Qasymbek Instagram paraqshasynda álem chempıonatynda medal alǵan boksshylardy quttyqtaǵanyn jazdy, - dep habarlaıdy Aqshamnews.kz.
Bul týraly elorda ákimdiginiń resmı saıty jazǵan.
«Astanalyq sportshylarymyz Lıverpýlde (Ulybrıtanıa) bokstan ótken 2025 jylǵy álem chempıonatynda altyn medaldar jeńip aldy.
Sanjar Táshkenbaı eki dúrkin álem chempıony atandy. Sanjar alǵash ret 2023 jyly 19 jasynda 48 kg salmaq dárejesinde álem chempıonatyn jeńip alǵan edi, eki jyldan keıin bul jetistigin Lıverpýlde 50 kg salmaqta qaıtalap otyr.
Aıbek Oralbaı óz esimin Qazaqstan sporty tarıhynda altyn áriptermen jazdy. Ol álem chempıonatynda sýperaýyr salmaqta el tarıhyndaǵy tuńǵysh altyn medaldi jeńip aldy.Nátıjesinde elimiz jalpy esepte birinshi orynǵa shyǵyp, 7 altyn, 1 kúmis jáne 2 qola medal jeńip aldy.
Sportshylarymyz namysty qoldan bermeı, keremet nátıje kórsetti. Olar óz úlgisimen eńbektiń, tártiptiń jáne ózine degen senimniń úlken jetistikterge aparatynyn kórsetti. Bul jetistikterge bapkerleriniń de qosqan úlesi zor.
Astana ylǵı da sportty qoldap, talantty sportshylarymyzdyń damýyna jaǵdaı jasap keledi. Máselen, qalamyzda Boksty damytý ortalyǵy bar, al bıyl Bekzat Sattarhanov atyndaǵy Sport kesheni paıdalanýǵa berildi.
Sizderdi osy jeńisterińizben taǵy da shyn júrekten quttyqtaımyn! Alda sizderge úlken tabystar, jańa jetistikter men bıik belester tileımin!» – dep jazdy Jeńis Qasymbek.
