Almatyda ınjenerlik ınfraqurylymdy – sý qubyry men káriz júıesin, jylý jáne elektrmen jabdyqtaýdy, gaz jelilerin ári kóshe jaryqtandyrýdy jańartý boıynsha keshendi baǵdarlama júzege asyrylyp jatyr. Bul týraly qala ákiminiń orynbasary Almasqan Smatlaev Óńirlik komýnıkasıalar qyzmetinde ótken baspasóz máslıhatynda aıtty.
Onyń aıtýynsha, búginde «Aqsaı», «Ermensaı» sýqabyldaý nysandary salynyp, «Barlyq» jobalanyp jatyr. Bul 245 myńnan astam turǵyndy aýyz sýmen qamtamasyz etýge múmkindik beredi. Sondaı-aq, uzyndyǵy 34,9 shaqyrym bolatyn Batys kolektorynyń qurylysy aıaqtalýǵa jaqyn. Sonyń nátıjesinde Alataý jáne Naýryzbaı aýdandarynyń 150 myń turǵyny ortalyqtandyrylǵan káriz júıesine qosylady.
Jańǵyrtý jumystary jylý jelilerin de qamtıdy: bıyl 37 shaqyrym qubyr jańartylyp, 17 komýnaldyq qazandyqta rekonstrýksıa júrgizilýde. Elektr jáne gaz jelileri de jańartylyp jatyr, jekemenshik jeliler komýnaldyq kásiporyndardyń balansyna ótkizilip jatyr. Ásirese, kósheniń jaryqtandyrýǵa erekshe nazar aýdarylǵan: 20 myńnan astam jańa sham ornatylyp, qala kósheleriniń barlyǵy jaryqpen qamtylady. Bul kórsetkish qalanyń jaryqtandyrý deńgeıin eki esege arttyrmaq.
«Jumys kezeń-kezeńimen jáne turaqty baqylaýmen júrgizilýde. Maqsatymyz – komýnaldyq qyzmetterdi turaqty, qoljetimdi ári zamanaýı etý», – dedi Almasqan Smatlaev.