Elimizde elektr qýatyn tutyný kólemi artty. Resmı málimetterge súıensek, bıyl energıa tutyný jyldaǵydan 7,2% paıyzǵa ósken, dep habarlaıdy almaty-akshamy.kz
Ósim, ásirese, ońtústik óńirlerde baıqalady. Jalpy, qazaqstandyqtar byltyrmen salystyrǵanda myń jarym megavatqa artyq elektr qýatyn paıdalanǵan. Otandyq energetıkter aldaǵy qys aılarynda tapshylyq seziledi deıdi. Shamamen 1 mlrd 7 mln kılovatt qýat qajet bolýy múmkin.
Basty sebep - elektr stansıalaryndaǵy jóndeý men gıdroelektr stansıalardaǵy sý tapshylyǵy. Aıta ketken jón, qazir kóptegen memleket elektr qýatynan taryǵyp otyr.
Jańartylatyn qýat kózderine den qoıǵan Eýropanyń ózinde gazdyń baǵasy tarıhı maksımýmderden asyp tústi. Qytaıda elektr qýaty tapshylyǵynan zaýyttar men fabrıkalar jabyldy.
Al Qyrǵyzstanda Toqtoǵul gıdroelektr stansıasynda sýdyń azaıýynan elektr qýatyn josparǵa saı jappaı óshirý jóninde halyqqa eskertilip jatyr.