Maqsat - arnaıy mindetterdi oryndaýǵa udaıy ázirlikte bolý.
Aqtaýda Áskerı-teńiz kúshteriniń jaýynger júzgishteri jeńil súńgýirlik daıyndyq boıynsha jıynǵa qatysty, dep habarlaıdy Almaty-akshamy.kz.
«Sabaq barysynda áskerı qyzmetshiler súńgýirlik jaraqtyń materıaldyq bóligin jáne taktıkalyq-tehnıkalyq sıpattamalaryn zerdelep, synaqtar tapsyrdy jáne arnaıy jabdyqty paıdalanýǵa ruqsat aldy», - delingen Qorǵanys mınıstrliginiń baspasóz qyzmetiniń habarlamasynda.
Jeke quram túrli tereńdikke súńgýirlerdi túsirýdi oryndady. Jarǵysh zattardy qoıǵan jáne zaqymdanǵan jerlerdi anyqtaý maqsatynda kemelerdiń túbi men burandalaryn qarap shyqty. Daıyndyqtyń barlyq kezeńinde nusqaýshylar qaýipsizdik sharalaryn saqtaýǵa erekshe nazar aýdardy.
«Jıynnyń basty maqsaty – áskerı qyzmetshilerdiń óz betinshe de, top quramynda da arnaıy mindetterdi oryndaýǵa udaıy ázirlikte bolýy. Árbir súńgýir jaraqty, jabdyqty, sý asty quraldaryn paıdalana otyryp, jumysty oryndaı alýy tıis», – dep atap ótti Áskerı-teńiz bazasynyń izdestirý-qutqarý qyzmeti men súńgýir jumystarynyń aǵa ofıseri, maıor Nurlan Ońalbaev.
Qarýly Kúshterdegi jaýyngerlik daıarlyq is-sharalary el Prezıdenti Qasym-Jomart Toqaevtyń Qazaqstan armıasynyń jaýyngerlik qabiletin túbegeıli arttyrý jónindegi tapsyrmasyn iske asyrý aıasynda júrgizilip jatqanyn atap ótken jón.
