Gýterrısh qorshaýda qalǵan beıbit turǵyndarǵa ketýge qolaıly jaǵdaı jasaýdy surady.
Birikken Ulttar Uıymynyń bas hatshysy Máskeýde Reseı Prezıdentimen kezdesý ótkizdi, dep habarlaıdy Almaty-akshamy.kz «Habar 24» silteme jasap.
Antonıý Gýterrısh Ýkraınanyń Marıýpol qalasyndaǵy «Azovstal» zaýytynda qorshaýda qalǵan beıbit turǵyndarǵa ketýge qolaıly jaǵdaı jasaýdy surady. Ol evakýasıany «Qyzyl Kres» halyqaralyq uıymymen birlesip iske asyrýdy usyndy.
«Men bul ókpe-renishti túsinemin, biraq mundaı ókpe-renish Birikken Ulttar Uıymy jarǵysynyń ártúrli quraldary arqyly sheshilýi tıis. Bir nárse anyq, qandaı da bir eldiń jer tutastyǵyn buzý Birikken Ulttar Uıymy jarǵysyna múlde sáıkes kelmeıdi. «Azovstal» zaýytynda qamalyp qalǵan adamdardyń birazy Reseıge, birqatary Ýkraına bıliginiń baqylaýyndaǵy jerge barǵysy keledi. «Qyzyl Kres» halyqaralyq uıymymen birlesip, barlyq resýrsty jumyldyryp, 2 eldiń bıligimen qoıan-qoltyq jumys isteı otyryp, qorshaýdaǵy adamdardyń ketýine múmkindik jasalsa, jaqsy bolar edi», – dedi BUU bas hatshysy Antonıý Gýterrısh.
Vladımır Pýtın Qyrym túbegi men Donbassta ózin-ózi jarıalaǵan halyq respýblıkalaryna qatysty jer daýyn sheshpeı, eshqandaı kelisimge qol qoıylmaıtynyn jetkizdi. Sondaı-aq Birikken Ulttar Uıymy Kreml basshysy Gýterrıshtiń Marıýpoldegi beıbit turǵyndardy kóshirý týraly usynysyn qabyldady dep málimdedi.
«Biz Qyrym, Sevastopol jáne Donbass respýblıkalaryna qatysty aýmaqtyq máseleler sheshilmeı, qaýipsizdik kepildigi týraly kelisimge qol qoıa almaımyz. Biraq sonda da kelissózder onlaın túrde jalǵasyp jatyr. Nátıjesi oń bolady dep senemin. Marıýpoldegi jaǵdaıǵa kelsek, Ýkraına bıligi onda beıbit turǵyndar bar deıdi. Olaı bolsa, ýkraın áskeri adamdardyń ketýine múmkindik bersin. Áıtpese, olardyń qazirgi isi Sırıadaǵy beıbit halyqty qalqan qylǵan «DAISH» sodyrlary sıaqty», – dedi RF Prezıdenti Vladımır Pýtın.