2020 jyldan bastap Qarýly Kúshterdiń bólimsheleri men mekemelerine 80-nen astam tehnıka jetkizildi
Qazaqstannyń Táýelsizdik kúni qarsańynda Áskerı ınfraqurylym bas basqarmasynyń mekemelerine Qorǵanys mınıstriniń orynbasary, general-leıtenant Muhamedjan Talasov saltanatty túrde avtomobıl jáne arnaıy tehnıkanyń kiltterin tabys etti, dep habarlaıdy Almaty-akshamy.kz.
Garnızondarǵa 30-dan astam arnaıy jol-qurylys jáne komýnaldyq-paıdalaný tehnıkasy túsedi.
İs-shara Qorǵanys mınıstrliginiń elordalyq jol-paıdalaný ýchaskesiniń bazasynda ótti. Qorǵanys mınıstriniń tyl jáne áskerı ınfraqurylym jónindegi orynbasary jeke quramǵa áskerı obektilerdiń jumys isteýin qamtamasyz etý jónindegi tıimdi jumysy úshin alǵys aıtty.
– Memleket eldiń qaýipsizdigin qamtamasyz etý úshin adal eńbek etýimizge barlyq jaǵdaı jasap jatyr. Búgin jańa tehnıkany aldyq. Onyń kómegimen bizdiń mamandar Qarýly Kúshterdiń jaýyngerlik daıyndyǵyn qoldap, asa mańyzdy ról atqaratyn áskerı ınfraqurylymnyń sapasyn arttyrýǵa jaǵdaı jasaıtyn bolady, – dedi general-leıtenant Muhamedjan Talasov.
Aıta ketý kerek, memlekettik qorǵanys tapsyrysy aıasynda arnaıy mashınalar parkin jańartý boıynsha josparly jumystar júrgizilip jatyr. 2020 jyldan bastap Qarýly Kúshterdiń bólimsheleri men mekemelerine 80-nen astam tehnıka jetkizildi.