Jambyl oblysyndaǵy áskerı bólimde 10-nan astam jarylys bolǵan. Bul týraly QR Qorǵanys mınıstri Nurlan Ermekbaev málim etti, dep habarlaıdy almaty-akshamy.kz
«26 tamyz kúni saǵat 18:45-te Ońtústik óńirlik qolbasshylyǵynyń ınjenerlik oq-dáriger bazasynda qoımalardyń birinen órt shyqty. Órtti sóndirýge áskerı bólimniń quramynda 3 top bar órt sóndirý komandasy shuǵyl kirisken. Áskerı bólim boıynsha kezekshi bul jaıynda Ońtústik óńirlik qolbasshylyq qolbasshysy jedel kezekshilik basqarmasyna habarlaǵan», - dedi mınıstr Jambyl óńirlik komýnıkasıalar qyzmetindegi baspasóz máslıhaty barysynda.
Onyń aıtýynsha, bastapqy kezeńde órtti sóndirýge 500 adam jumyldyrylǵan. Keıin olardyń sany 1 myń adamǵa, órt sóndirý mashınalarynyń sany 24-ke jetkizilgen.
«Qabyldanǵan is-sharalarǵa qaramastan, órt shyqqannan keıin 1 saǵattan soń alǵashqy jarylys oryn aldy. Jalpy qýaty shaǵyn 10-nan astam jarylys bolǵan. Atalǵan bazada ınjenerlik oq-dáriger saqtalady. Olardyń bir bóligi osydan eki jyl buryn Arys qalasynan jetkizilgen edi», - dedi Nurlan Ermekbaev.