Búgin Májiliste atyshýly Qurylys kodeksi jobasy birinshi oqylymda qaraldy. Bul qujat Qazaqstandaǵy qurylys salasyn túbegeıli ózgertetin negizgi zańdardyń biri bolmaq. Májilis depýtaty Baqytjan Bazarbek óz baıandamasynda jańa Kodekstiń qoǵam úshin mańyzyn atap ótti, - dep habarlaıdy Aqshamnews.kz tilshisi.
“Bul zańǵa qoǵamymyzdaǵy kóp nárse baılanysty. Qaýipsiz úılerde turamyz ba, álde qaýipti jaǵdaılarda ómir súremiz be - zań soǵan jaýap beredi. Biz endi qurylys kompanıalardyń emes, halyqtyń múddesin qorǵaýymyz kerek”, - dedi depýtat.
30 jyldyq "beton gettolar" dáýiri
Depýtattyń aıtýynsha, táýelsizdik alǵan jyldardan beri zańdar men sheshimder kóbine qurylys kompanıalardyń paıdasyna qabyldanyp kelgen.
“Taý bókteri kesilip, jasyl aımaq azaıdy, qalalar beton gettosyna aınaldy. Sebebi ashkóz qurylys kompanıalar men olardyń lobbısteri 30 jyl boıy óz múddelerin qorǵap keldi”, - dedi ol.
Bazarbek bul zańdy memleket, qurylys ındýstrıasy jáne azamattyq qoǵam arasyndaǵy “áleýmettik kelisim” dep atady.
Seısmıkalyq qaýipsizdik jáne jasyl aımaqtar basty nazarda bolmaq
Depýtat usynǵan birqatar mańyzdy túzetý jumys toby tarapynan qoldaý tapqan:
-
Seısmıkalyq qaýipsizdik:
Endi bas josparlar men jobalar seısmomıkrozonırleý kartalary negizinde ázirlenedi. Al Almatyda bul talaptar birden kúshine enedi, basqa seısmoqaýipti qalalarda - 2030 jylǵa deıin. -
Qaýipti aımaqtarda qurylysqa tyıym:
Opyrylý qaýpi bar nemese taýly aımaqtarda kópqabatty úıler salýǵa shekteý qoıylady. -
Jasyl aımaqtardy qorǵaý:
Rekreasıalyq aýmaqtardy turǵyn aımaqqa aýystyrý tek qoǵamdyq talqylaýdan keıin ǵana múmkin bolady.“Eger halyq qarsy bolsa, onda ózgeris bekitilmeıdi. Bul Almaty, Qaraǵandy, Shymkent sıaqty qalalardaǵy jaǵdaıdyń qaıtalanbaýy úshin qajet”, - dedi Bazarbek.
-
PDP túzetýlerin shekteý:
Budan bylaı qala qurylysy jobalaryna jylyna eki ret emes, eki jylda bir ret túzetý engizý usynylady. Bazarbek tipti budan da qataldaý nusqany - bes jyl boıy ózgeris engizbeý talabyn engizýdi usynǵan.
"Jaýapsyz qurylysshylardy jazalaý qajet"
Depýtat adal emes qurylys kompanıalarynyń tizimin (reestr nedobrosovestnyh zastroıshıkov) engizý bastamasyn da kóterdi. Bul tizimge sot sheshimimen “alaıaq qurylysshylar” engizilip otyrady.
“Halyqtyń aqshasyn jep, ruqsatsyz, qaýipti aımaqtarda qurylys júrgizetinderge bul Kodeks jeńil tımeıdi. Biz ondaılardy qurtýymyz etýimiz kerek”, - dep qatań aıtty Bazarbek.
Lısenzıa men saraptamadaǵy bylyqtar
Depýtat saraptama jáne lısenzıa berý salasynda da tártip ornatý qajettigin aıtty.
Mysaly, 2016–2023 jyldar aralyǵynda jeke saraptamalyq uıymdar 87 myńnan astam qorytyndy bergen, onyń ishinde keıbiri nebári 0 kúnde jasalǵan.
“Bir kúnde saraptama jasap, oń qorytyndy berý - bul tehnıkalyq saraptama emes, fars”, - dedi depýtat.
Sondaı-aq, elde 93 myńnan astam qurylys lısenzıasy berilgenimen, ár kompanıada orta eseppen 1,38 ınjener ǵana bar. Bul - zań buzýshylyqtyń aıqyn dáleli.
“Aldymyzda úlken jumys tur. Biz bul reformany qurylys kompanıalar úshin emes, halyq úshin jasaımyz. Qalalarymyzda zań ústemdik etýi kerek”, - dep túıindedi Májilis depýtaty Baqytjan Bazarbek.