Almaty qalalyq perınataldyq ortalyǵynyń gınekology Ásel Omarqulova onlaın brıfıń barysynda júkti áıelderde COVID-19 qalaı anyqtalatynyn jáne nárestege vırýsty juqtyrmaý úshin ne isteý kerekitigin aıtyp berdi, dep habarlaıdy almaty-akshamy.kz
«Barlyq júkti áıelder ımýndyq tapshylyq jaǵdaıynda bolady ári táýekel tobyna jatady. Biz olardan belgili qaýipsizdik sharalaryn saqtaýdy suraımyz: maska taǵý, qoldy jýý jáne adamdar kóp jınalatyn jerlerden aýlaq bolý. Al eger aýyryp qalsa, ózin-ózi emdeýmen aınalyspaýy kerek, sebebi kovıdti emdeıtin kóptegen preparatta júkti áıelderge qarsy kórsetilimi bar», - deıdi Ásel Omarqulova.
Gınekologtyń aıtýynsha, vırýs juqtyrǵan júkti áıelder barlyq jaǵdaıda aýrýhanaǵa jatqyzyla bermeıdi. COVID-19 sımptomsyz jáne jeńil aǵymy bar bolashaq analar ambýlatorlyq emdeýde qalady. Ádette, dárigerler olarǵa kóp mólsherde suıyqtyqty ishý boıynsha usynystar beredi, áıelder ózin-ózi baqylaý kúndeligin júrgizedi, temperatýrany, tamyr soǵý jıiligin jáne tynys alýdy baqylaıdy. BSMK medısınalyq qyzmetkerimen qashyqtan baılanysty kúndelikti ornatady. Perınataldyq ortalyqta koronavırýspen bosanǵan áıelder jiti baqylaýda bolady.
«Ortalyqta 20 tósek-oryndy ınfeksıalyq bólimshe jumys jasaıdy. Basqa kovıdtik stasıonardaǵydaı, «jasyl aımaq», «qyzyl aımaq», shlúz, sanıtarıa», «jasyl aımaq» bar. Juqtyrǵan naýqastardy bosandyrǵanda medbıkeler qorǵanys quraldaryn, kostúmderdi, kózildirik pen qolǵapty paıdalanady»,- deıdi dáriger.
«Náreste dúnıege kele salysymen 1 mınýtqa keshikpeı, onyń kindigin qysý usynylady, sebebi bul ana men balanyń densaýlyǵyna paıdaly jáne jańa týǵan náresteniń tamaqtaný jaǵdaıyn jaqsartady. Sonymen qatar, jańa týǵan nárestege COVID-19-dyń qan arqyly berilý qaýpi az. Koronavırýs balaǵa ana súti arqyly berilmeıdi. Dúnıejúzilik densaýlyq saqtaý uıymynyń qoldanystaǵy usynymdaryna sáıkes, eger saqtyq sharalary saqtalsa, COVID-19 juqtyrǵan áıelder sábıin emize alady»,-dedi Ásel Omarqulova.
Almaty qalasynyń perınataldyq ortalyǵynyń gınekology búginde ınfeksıanyń uryqqa antenataldy jolmen beriletini týraly senimdi derekter joq ekenin atap ótti.
«Vertıkaldy jol – qan arqyly, uryqjoldas rastalmaıdy. Infeksıa naýqas anadan bosaný kezinde, balamen qarym-qatynas kezinde múmkin bolady, eger ol maska rejımi, qoldy jýý jáne dezınfeksıalaý sıaqty qaýipsizdik sharalaryn saqtamasa», - dedi spıker.
Sondaı-aq ol bala kóteretin áıelderge qoǵamdyq oryndarǵa, dúkender men gıpermarketterge barmaýǵa shaqyrdy. Oǵan qosa júkti áıeldi COVID-19 koronavırýs ınfeksıasynan qorǵaý úshin onyń otbasy men jaqyndary vaksına alýy tıis. Sonda ǵana ana men bolashaq sábıdiń ómiri qaýipsiz bolady.