Qazaqstan Respýblıkasynyń Bas prokýratýrasy asa iri mólsherde birneshe ret alaıaqtyq jasaǵany úshin qylmystyq jaýaptylyqqa tartý maqsatynda Qazaqstan azamatyn Reseı Federasıasynan ekstradısıalady, - dep habarlaıdy aqshamnews.kz tilshisi.
Kúdikti 2024-2025 jyldar aralyǵynda Tarazda ózin komersıalyq uıymnyń qyzmetkerimin dep tanystyryp, qarajatty ınvestısıalaý arqyly joǵary tabysqa ýáde berip, azamattardy ártúrli taýarlardy kóterme satyp alý jáne keıinnen satý boıynsha birlesken kásippen aınalysýǵa shaqyrǵan.
Alaıda ol óz mindettemelerin oryndamaı, alǵan aqshasyn jymqyryp, qajettiligine jumsaǵan.
Onyń qylmystyq áreketteri nátıjesinde Qazaqstannyń 6 azamatyna jalpy 100 mln teńgeden astam zalal keltirilgen.
Qylmys jasaǵannan keıin ol jasyrynyp, oǵan halyqaralyq izdeý jarıalanǵan.
Bıyl tamyzda kúdikti Reseıde ustalyp, Qazaqstan Respýblıkasy Bas prokýratýrasynyń suraýy boıynsha elge ekstradısıalandy.
Qazir kúdikti tergeý ızolátoryna qamaýǵa alyndy.
Aıyptalǵan qylmysty jasaǵany úshin múlki tárkilenip, 5 jyldan 10 jylǵa deıin bas bostandyǵynan aıyrý jazasy qarastyrylǵan.