Keshe sottyń sanksıasymen Ulttyq mýzeı dırektory Arystanbek Muhamedıulyna qatysty «kúzetpen ustaý» bultartpaý sharasy tańdaldy, - dep habarlaıdy Almaty-akshamy.kz Inform.kz-ke silteme jasap.
«Nur-Cultan qalasy boıynsha Sybaılas jemqorlyqqa qarsy qyzmet «Altyn adamnyń álem mýzeılerine sherýi» halyqaralyq kórmesin ótkizý jónindegi memlekettik satyp alý týraly shart aıasynda Qazaqstan Respýblıkasy Ulttyq mýzeıiniń laýazymdy adamdaryna jáne basqa da tulǵalarǵa búdjet qarajatyn jymqyrý belgileri boıynsha 146 mıllıon teńge somasynda sotqa deıingi tergep-tekserýdi júrgizedi», dep jazdy vedomstvo.
Aqparat kózi 2022 jylǵy 28 mamyrda sottyń sanksıasymen Ulttyq mýzeı dırektory Arystanbek Muhamedıulyna qatysty «kúzetpen ustaý» bultartpaý sharasy tańdalǵanyn da málimdedi. Tergeý jalǵasýda. Tergeý múddesindegi basqa aqparat jarıa etýge jatpaıdy.