Aqtóbe oblysynda beıpartıalyq baqylaý ortalyǵy baıqaýshy bolýǵa ótinish qabyldap jatyr, dep habarlaıdy Almaty-akshamy.kz Almaty.tv-ge silteme jasap.
Aqtóbe qalasyndaǵy «Azamattyq aláns» ǵımaratynda respýblıkalyq beıpartıalyq baqylaý ortalyǵy oblystyq fılıaly shtabynyń tóraǵasy Erádil Úbbinıazov referendýmǵa qatysty baspasóz máslıhatyn ótkizdi.
"Azamattyq qoǵam platformasynan respýblıkalyq beıpartıalyq baıqaý ortalyǵynyń oblystyq fılıaly referendým kezinde baıqaý júrgizýdi josparlap otyr. Búgingi tańda úkimettik emes uıymdardyń kúshin biriktirip, barlyq beıpartıalyq baıqaýshylardy yntymaqtastyrý maqsatynda oblystyq baıqaýshylar shtaby quryldy. Búginde shtabta baıqaýshylar boıynsha koordınator bolyp Aıan Zadybekuly jáne shtabtyń quqyqtyq suraqtary boıynsha koordınatory bolyp Aısha Tóleýova bekitildi. Qazirgi tańda oblys boıynsha belgilengen 502 saılaý ýchaskesine baıqaýshylardy daıarlap jatyrmyz. Sondaı-aq tirkelgen baıqaýshylardyń óz mindetterin bilýi, zań talaptaryna sáıkes qyzmet atqarýy máselelerine de asa kóńil bólinedi", - dedi ol.
Baspasóz máslıhatynda jýrnalıser shtab tóraǵasyna oblystaǵy saılaý ýchaskeleri boıynsha qansha baıqaýshydan ótinish túskenin, baıqaýshylarǵa qandaı talaptar qoıylatynyn, sondaı-aq olarǵa qansha qarjy bólinetinin surady.
"Búginge deıin ortalyqqa oblystaǵy 502 saılaý ýchaskesi boıynsha baıqaýshy bolýǵa eki myńnan astam adamnan ótinish kelip tústi. Olarǵa qoıylatyn basty talaptar — qoǵamdyq uıymdardyń atynan qujattary bolýǵa tıis jáne referendýmdy ótkizýge baılanysty barlyq zańdylyqtardy bilýi kerek. Baıqaýshylarǵa búdjetten qarjy bólinbeıdi, bul baǵytta qazir demeýshiler izdep jatyrmyz. Sebebi qoǵam belsendileri óz qalaýymen kelip baıqaýshy bolýǵa nıet bildirip jatyr", - dedi shtab tóraǵasy.
Onyń aıtýynsha, áli de qoǵamdyq uıymdar atynan baıqaýshy bolýǵa nıettengender ortalyqqa kelip tirkelýine bolady.