Kóksheniń sulý tabıǵatynda talaıdy tamsandyrǵan qylqalam sheberleri bas qosty.
Art talk jobasyna 21 sheber qatysyp jatyr, dep habarlaıdy Almaty-akshamy.kz «Habar 24»-ke silteme jasap.
Olar AQSH, Koreıa, Mońǵolıa, Ózbekstan jáne elimizdegi birqatar aımaqtan kelgen. Sýretshiler Býrabaıdyń árbir taýy men tasyna tamsanyp, qıalǵa erik berip, óz tájirıbelerimen bólispek. Uıymdastyrýshylardyń aıtýynsha, mundaǵy basty maqsat – Qazaqstannyń ǵajap tabıǵaty men tamyryn tereńnen alatyn tarıhyn pash etý. Aıta ketken jón, halyqaralyq shara elimizde alǵash ret ótkizilip jatyr.
"Jeti kún boıy osy Býrabaı kýrorttyq aımaǵynda eń tamasha keremet jerlermen tanysady. Lokasıa tańdaıdy. Jeti kún boıy óziniń Qazaqstanǵa arnalǵan týyndylaryn salady. Qorytyndy kórme 21 maýsymda Ulttyq mýzeıdiń tórinde uıymdastyrylady", - dedi QR Ulttyq mýzeı dırektorynyń orynbasary Nazgúl Qadirimbetova.
"Instalásıa jasaý úshin men túrli zattardy qoldanamyn. Máselen, shynjyr, arqan, jibek jáne bolttan erekshe týyndy jasaımyn. Men alty jyldan beri osy salada júrmin. Jýyrda Koreıanyń dástúrli qaǵazyn paıdalanatyn boldym. Men Qazaqstanǵa alǵash ret kelip turmyn. Mundaǵy tabıǵat, mádenıet pen taǵamyn baılanystyra otyra, ınstalásıa jasaýdy josparlap otyrmyn", - deıdi sýretshi-ınstallátor Djý Gón.