Ony qurlyqtaǵy Homo sapiens-tiń alǵashqy ókilderi qoldanǵan
Ǵalymdar mamont súıeginen jasalǵan alqanyń jasyn anyqtady. Polshanyń Staıná úńgirinen tabylǵan áshekeıge 41500 jyl bolǵan, dep habarlaıdy Almaty-akshamy.kz.
Búginde bul Eýrazıa aımaǵynda adamdar jasaǵan sándik ónerdiń eń kóne týyndysy bolyp otyr. Zertteý nátıjeleri Scientific Reports jýrnalynda jarıalandy.
Qazirgi adamdar Ortalyq jáne Batys Eýropaǵa shamamen 42 000 jyl buryn qonys aýdara bastaǵan. Mamont súıekterinen jasalǵan geometrıalyq oıý-órnekteri bar artefaktilerdiń eń erte tabylýy shamamen sol ýaqyttan bastalady. Alaıda, osy kúnge deıin bulardy áshekeı buıymǵa jatqyzýda qıyndyqtar týyndaǵan jáne olardyń naqty qaı kezde paıda bolǵanyn anyqtaý turǵysynda máseleler boldy.
Germanıadaǵy Maks Planka evolúsıalyq antropologıa ıntstıtýty, Italıanyń Bolon ýnıversıteti, Polshanyń Vroslavsk ýnıversıtetiniń ǵalymdary men Polsha ǵylym akademıasy 2010 jyly Staıná úńgirinde tabylǵan shaǵyn buıym mamont súıeginen jasalǵan Eýrazıa aýmaǵyndaǵy alǵashqy áshekeı buıym degenge dálel keltirdi. Ony qurlyqtaǵy Homo sapiens-tiń alǵashqy ókilderi qoldanǵan kórinedi.