Almaty kólik jáne komýnıkasıalar kolejiniń bazasynda, «Adal azamat – birtutas tárbıe» baǵdarlamasy aıasynda
Almaty qalasy Almaly aýdany ardagerler keńesiniń múshelerimen «Ardagerlerdiń ómir joly – jas urpaqqa taǵylym» atty
ardagerler men jastardyń kezdesýi bolyp ótti.
Kezdesýdiń basty maqsaty – stýdentterdiń tulǵalyq damýyna jaǵdaı jasaý, azamattyq jaýapkershiligin arttyrý, rýhanı-adamgershilik qundylyqtardy boıyna sińirý, kásibı mádenıetin jetildirý jáne qoǵam ómirine belsendi aralasýǵa, úlkenderge qurmet kórsetýge tárbıeleý.
İs-shara barysynda ardager ustazdar stýdenttermen ózderiniń ómir joldary men ustazdyq qyzmetteri týraly áserli áńgime órbitti. Kolej stýdentteri ózderi daıyndaǵan konserttik baǵdarlamalaryn usynyp, ardagerlerge qurmet kórsetti.
Kezdesý kezinde ardagerler men mártebeli qonaqtar qyzmet jolyndaǵy qyzyqty estelikterimen bólisip, jastarǵa kásibı jáne ómirlik tájirıbelerinen taǵylymdy keńes berdi.
Bilim alýshylardyń aldynda sóz sóılegen ardager ustazdar jastardyń qaısar ata-babalarynyń dańqty dástúrlerin jalǵastyrýshy, óz Otanynyń naǵyz patrıoty bolyp ósýi kerektigin atap ótti. Sondaı-aq, óz mamandyqtaryn súıip, temir jol salasynyń bilikti mamandary bolýǵa úndedi.
Kezdesý barysynda qonaqtar kolej murajaıymen, zamanaýı jabdyqtarmen, trenajerlarmen jáne sıfrlyq sheshimdermen jabdyqtalǵan quzyrettilik ortalyǵymen tanysty.
İs-shara sońynda kolej dırektorynyń tárbıe isi jónindegi orynbasary
Saýyrbaev N.B. mazmundy kezdesý uıymdastyrǵan ardagerlerge jáne jastarǵa patrıottyq tárbıe berýge qosqan úlesteri úshin alǵysyn bildirdi.