Belgili sırk artısi, «Mýtýrganchıkı» tobynyń negizin qalaýshy ári kórkemdik jetekshisi Murat Mutyrǵanov Qazaqstanda atom elektr stansıasyn (AES) salý jónindegi referendýmda daýys berdi, dep habarlaıdy aqshamnews.kz.
Artıs Almatydaǵy №4 gımnazıada ornalasqan № 364 saılaý ýchaskesinde daýys berdi.
«Ár daýys mańyzdy, men bul mańyzdy prosestiń bir bóligi bola alatynyma qýanyshtymyn. Referendým árqaısymyzǵa óziniń azamattyq ustanymyn bildirýge múmkindik beredi», - dedi Murat Mutyrǵanov daýys bergennen keıin. Artıs mundaı is-sharalardyń adamdardy biriktirip, eldiń bolashaǵyna qatysty mańyzdy máselelerdi talqylaýǵa kómektesetinin atap ótti.
Esterińizge sala keteıik, búgin Qazaqstan aýmaǵynda AES salý máselesi boıynsha respýblıkalyq referendým ótip jatyr. Almatylyqtar turǵylyqty jeri boıynsha saılaý ýchaskelerine baryp, saǵat 20.00-ge deıin daýys bere alady.