Memleket basshysynyń saıasatyn búkil halyqtyń, barlyq progresıvti kúshterdiń qoldaýy burynǵydan da mańyzdy. Eldegi áleýmettik-ekonomkıalyq jaǵdaıǵa baılanysty pikir bildirgen QR Parlament Senatynyń depýtaty Aqylbek Kúrishbaev osyndaı oı aıtty, dep habarlaıdy Almaty-akshamy.kz QazAqparatqa silteme jasap.
«Elimizdiń barlyq azamattary sıaqty bolǵan oqıǵalarǵa baılanysty óte alańdaýlymyn. Ekonomıkany odan ári qaraı damytyp, azamattarymyzdyń ómir súrý deńgeıin jaqsartý úshin bizge eldegi turaqtylyq aýadaı qajet. Sonda ǵana memlekettiń barlyq áleýmettik mindettemeleri dáıekti túrde iske asyrylýy múmkin. Biz Qazaqstandaǵy turaqsyzdyqty qolaı kóretin arandatýshylar men syrtqy kúshterdiń jeteginde ketpeýimiz kerek. Halqymyzǵa soǵys qajet emes, ortaq úıimizdegi beıbitshilikti saqtaýymyz kerek. Sondyqtan Memleket basshysynyń saıasatyn búkil halyqtyń, barlyq progresıvti kúshterdiń qoldaýy burynǵydan da mańyzdy», - deıdi senator.
Onyń aıtýynsha, jastardy oılanbaı jasalǵan áreketterden qorǵaý óte mańyzdy.
«Prezıdent qabyldaǵan sharalar jáne Almaty qalasy men Mańǵystaý oblysynda tótenshe jaǵdaıdyń jarıalanýy - ahýaldy turaqtandyrýǵa baǵyttalǵan ýaqytsha shara. Biz muny túsinýimiz kerek. Bizdiń qoǵamda ádiletti kóterilip otyrǵan birqatar máselelerdi Úkimettiń ýaqtyly sharalar qabyldaýy arqyly óz kezinde sheshýge boladtyn edi dep esepteımin. Olardyń kóbi qazir Prezıdenttiń jeke aralasýynan keıin ǵana sheshimin taýyp jatyr. Qasym-Jomart Toqaev óz sózinde halyqty áleýmettik qoldaýdyń basymdyqtaryn naqty belgilep berdi jáne olar oryndalady! Elimizdiń bolashaǵy árqaısymyzǵa baılanysty! Biz úshin jastardy oılanbaı jasalǵan áreketterden qorǵaý óte mańyzdy», - dedi Aqylbek Kúrishbaev.