Baký – Groznyı baǵytyndaǵy reıstiń apatynan qaza tapqan AZAL avıakompanıasy Embraer ushaǵy ekıpajy músheleriniń týystary Aqtaýǵa keldi, - dep habarlaıdy aqshamnews.kz tilshisi Media.az-qa silteme jasap.
Aqtaýǵa kelgenderdiń arasynda Ázerbaıjannyń ulttyq qaharmandary Hokýmá Alıeva, Igor Kshnákın jáne Aleksandr Kalánınovtyń jaqyndary, sondaı-aq, apatta kóz jumǵan birneshe jolaýshynyń otbasy músheleri bolǵan.
Málimetke sáıkes, sapardy Qazaqstandaǵy Ázerbaıjan konsýldyǵy men AZAL avıakompanıasy uıymdastyrǵan.
"Kináliler laıyq jazasyn alǵan kezde ǵana qaıǵymyz jeńildeıdi. Qazaqstanda turatyn otandastarymyzǵa kórsetken qoldaýy úshin alǵys aıtamyn", - dedi Hokýmá Alıevanyń baýyry Djoshgýn Nasıblı.
Aqtaýdaǵy ushaq apaty týraly ne belgili?
Eske salaıyq, 2024 jyly 25 jeltoqsanda Aqtaý mańynda Bakýden Groznyıǵa ushyp bara jatqan ushaq apatqa ushyrady. Bul - Azerbaijan Airlines áýe kompanıasyna tıesili Embraer 190 ushaǵy. Ushaq bortynda 67 adam, onyń ishinde 5 ekıpaj múshesi bolǵan.