Dúnıejúzilik boks uıymy (WBO) salmaq dárejeleri boıynsha jańartylǵan reıtıńin jarıalady, dep habarlaıdy aqshamnews.kz tilshisi Vesti.kz-ke silteme jasap.
Qazaqstandyq boksshy Jánibek Álimhanuly jýyrdaǵy dopıng daýyna qaramastan, WBO nusqasy boıynsha orta salmaqtaǵy chempıon ataǵyn saqtap qaldy. Bul dıvızıondaǵy úzdik úshtikke ulybrıtanıalyq Denzel Bentlı, venesýelalyq Endrı Saavedra jáne kýbalyq Ioenlıs Ernandes kirdi.
Eske salaıyq, jeltoqsannyń basynda Jánibektiń dopıng synamasy oń nátıje kórsetti — onyń aǵzasynan tabylǵan. Sonyń saldarynan 7 jeltoqsanǵa josparlanǵan WBA chempıony, kýbalyq Erıslandı Laramen tıtýl biriktiretin jekpe-jek ótpeı qaldy, al WBO atalǵan jaǵdaıǵa baılanysty ishki tergeý bastady.
8 jeltoqsanǵa V synamasyn ashý josparlanǵan. Eger ol da oń nátıje berse, Álimhanuly chempıondyq belbeýlerinen aıyrylýy múmkin. Sondaı-aq, boksshyny dıskvalıfıkasıalaý qaýpi bar. Qazir qazaqstandyqta WBO-dan bólek, orta salmaqtaǵy IBF belbeýi de bar.