Aqtaý portynyń túbin bir jarym-eki metrge tereńdetý josparlanýda.
Tereńdetý jumystary teńizde júzý qaýipsizdigin qamtamasyz etý úshin júrgiziledi, dep habarlaıdy aqshamnews.kz.
Mamandar iri eýropalyq Jan De Nul kompanıasynyń mamandandyrylǵan tereńdetý tehnıkasyn tartady. Tereńdetý jumystary termınal qýatyn jáne ınvestısıa kólemin arttyrýǵa múmkindik beredi.
Búgingi tańda Aqtaý portynyń ótkizý qabileti shamamen 15 mln tonnany quraıdy, onyń ishinde 140 myń JFE.
Bıylǵy mamyr aıynda arnaıy tehnıkany jumyldyrý jumystary aıaqtalady. Tereńdetý jumystaryn bıylǵy jyldyń tórtinshi toqsanynda aıaqtaý josparlanýda.
Atalǵan jumystar Transkaspıı halyqaralyq kólik baǵytyn damytý aıasynda qabyldanyp jatqan keshendi sharalardyń bir bóligi.
TKHB boıynsha konteınerlik tasymaldaý kólemi aǵymdaǵy jyldyń birinshi toqsanynda 3,5 esege ósip, 25 myń JFE qurady (2024 jyldyń sáıkes kezeńinde 7,2 myń JFE).