AQSH-ta qaýipti vırýstardy tasymaldaýy múmkin maımyldar júk kóligi aýdarylǵannan keıin qashyp ketti, dep habarlaıdy Aqshamnews.kz tilshisi Independent basylymyna silteme jasap.
Oqıǵa Mıssısıpı shtatynda bolǵan. Júk kóliginde gepatıt S, gerpes jáne COVID-19 vırýsyn tasymaldaý qaýpi bar zerthanalyq maımyldar bolǵan. I-59 federaldy tas jolynda, Geıdelberg qalasynyń soltústiginde kólik aýdarylyp, birneshe maımyl qashyp ketkeni anyqtaldy.
Bılik ókilderiniń málimetinshe, bir maımyl áli izdestirilip jatyr. Janýarlar arnaıy torda bolǵan jáne olar Florıda shtatyna zertteý ortalyǵyna jetkizilý kerek bolǵan.
The Guardian deregine súıensek, salmaǵy shamamen 12 kelilik bul maımyldar agresıalyq minez kórsetken. Qaýipsizdik maqsatynda olarǵa jaqyndaýǵa tek jeke qorǵanys quraldaryn paıdalanǵan jaǵdaıda ǵana ruqsat berilgen.