Astana - Petropavl tasjolynda Kia K5 jáne Volkswagen Passat markaly eki jeńil kólik soqtyǵysyp, eki adam qaza tapty, taǵy tórteýi jaraqat aldy, - dep habarlaıdy aqshamnews.kz.
Bul týraly Aqmola oblystyq polısıa departamentiniń baspasóz qyzmeti ókilderi 16 tamyzda málimdedi.
Jol apaty Kókshetaý men Shýchınsk qalalarynyń arasyndaǵy avtojoldyń 277-shaqyrymynda bolǵan.
"Volkswagen Passat kóliginiń júrgizýshisi men bir jolaýshysy oqıǵa ornynda kóz jumdy. Al Kia K5 júrgizýshisi men úsh jolaýshysy túrli jaraqattarmen medısınalyq mekemege jetkizildi", - delingen resmı habarlamada.
Qazir bul derek boıynsha sotaldy tergeý júrgizilip jatyr. Nátıjesinde prosestik sheshim qabyldanatyn bolady.
Vedomstvo mundaı qaıǵyly jaǵdaılardy boldyrmaý úshin júrgizýshilerge jyldamdyq rejımin saqtaý qajetin, ásirese kólik kóp júretin ýchaskelerde abaı bolýdy, sondaı-aq avtokóliktiń tehnıkalyq jaǵdaıyn qadaǵalaý keregin eske saldy.
Aıta keteıik, 15 tamyzda shamamen saǵat 14:00-de Aqtóbe oblysy, Áıtekebı aýdanyna qarasty Belqopa aýylynyń mańynda da jol apaty bolyp, tórt adam qaza taýyp, taǵy úsheýi jaraqat alǵan edi. Aldyn ala derekter boıynsha, Toyota Alphard kóligi qarsy jolaqqa shyǵyp ketip, Volvo júk kóligimen soqtyǵysqan.