"Alǵabas" shaǵynaýdanynda jańa joldardyń qurylysy júrip jatyr, 31 shaqyrymnan astam jol josparlanǵan. Bul týraly Óńirlik komýnıkasıalar qyzmetiniń brıfıńinde Almaty qalasy Alataý aýdany ákiminiń orynbasary Ertas Besirov málimdedi, dep habarlaıdy Almaty-akshamy.kz Almaty qalasynyń Óńirlik komýnıkasıalar qyzmetine silteme jasap.
Ertas Besirovtyń aıtýynsha, Alataý aýdanyndaǵy joldardyń uzyndyǵy 706 shaqyrymdy quraıdy, onyń 583,6 shaqyrymy (82,6%) tolyǵymen asfált jabynymen qamtamasyz etilgen.
«Bıyl 47 kósheni, onyń ishinde jalpy uzyndyǵy 53,3 km bolatyn 7 shaǵyn aýdandy ortasha jóndeýmen qamtý josparlanǵan, qazirgi ýaqytta "Aqbulaq", "Shańyraq-1", "Kók-Qaınar" shaǵynaýdandarynda jumystar júrgizilýde», - dedi E. Besirov.
30 kóshede aǵymdaǵy (shuńqyrly) jóndeý jumystary júrgizildi. Atalǵan baǵyttaǵy jumystar áli de jalǵasýda.
E. Besirov 6 shaǵynaýdanda ("Shapaǵat", "Qarasý", "Alǵabas", "Áıgerim-1,2", "Shańyraq-1", "Boraldaı") jalpy uzyndyǵy 207 km (sý – 116,6 km, káriz – 90,3 km) ınjenerlik jelilerdiń qurylysy júrgizilip jatqanyn aıtty. Injenerlik jelilerdiń qurylysy aıaqtalǵan kóshelerde asfált jabynyn qalpyna keltirý jumystary atqarylýda.
Sonymen qatar, qazirgi ýaqytta Aqbulaq, Ójet jáne Samǵaý shaǵyn aýdandary boıynsha salynǵan ınjenerlik jelilerdi paıdalanýǵa berý júzege asyrylýda
Sondaı-aq, aǵymdaǵy jyly «Terekti» shaǵynaýdanynda 44 km sýmen jabdyqtaý jáne 32 km káriz jelileriniń qurylysy josparlanǵan.
Brıfıń sońynda E. Besirov aǵymdaǵy jyly "Terekti" shaǵynaýdanynda 44 km sýmen jabdyqtaý jáne 32 km káriz jelileriniń qurylysy josparlanǵanyn habarlady.
2020 jyly 413 kóshege 19 471 jaryq dıodty sham ornatyldy. 2022 jyly qosymsha 515 kóshege jaryq shamdaryn ornatý josparlanýda.