Jyl basynan beri "Aqbulaq", "Qarasý", "Shapaǵat", "Shańyraq-1, 2", "Uljan-1", "Samǵaý", "Kók-Qaınar", "Baıbesik", "Darhan", "Áıgerim" shaǵynaýdandarynda 69 kóshe boıynsha aryq jelileriniń qurylysy júrgizilýde. Abattandyrý týraly Óńirlik komýnıkasıalar qyzmetiniń brıfıńinde Almaty qalasy Alataý aýdany ákiminiń orynbasary Ertis Besirov aıtyp berdi, dep habarlaıdy Almaty-akshamy.kz Almaty qalasynyń Óńirlik komýnıkasıalar qyzmetine silteme jasap.
«Sý basýdyń aldyn-alý maqsatynda, Jasyl ekonomıka basqarmasy tarapynan jyl basynan beri "Aqbulaq", "Qarasý", "Ójet", "Shapaǵat", "Shańyraq-1,2", "Uljan-1", "Samǵaý", "Kók Qaınar", "Baıbesik", "Darhan", "Áıgerim" shaǵynaýdandarynda jalpy uzyndyǵy 51 km bolatyn 69 kóshe boıynsha aryq jelileriniń qurylysyn júrgizýde», - dep habarlady E. Besirov.
Sonymen qatar, 53 aýla aýmaǵyn abattandyrý jumystary tolyǵymen aıaqtaldy. Almaty qalasynyń sáýlettik kelbetin jaqsartý maqsatynda bizdiń tarapymyzdan "Zerdeli" shaǵynaýdanynda 63 úıiniń qasbetterin aǵymdaǵy jóndeý jumystary bastaldy. Jumystardy 2022 jyldyń qarasha aıynyń sońyna deıin aıaqtaý josparlanýda.
Turǵyndar úshin qolaıly jaǵdaı jasaý maqsatynda Uljan, Shańyraq-2, Nurkent, Alǵabas shaǵyn aýdandarynyń jasyl aımaqtarynda aǵymdaǵy jóndeý jumystary júrgizildi.
E. Besirov búginde «Halyq qatysatyn búdjet» baǵdarlamasy qarqyndy túre júzege asyrylyp jatqanyn, onda árbir turǵyn óz jobalaryn usyna alatyndyǵyn aıtty.
«2020 jyly baǵdarlama aıasynda qala turǵyndarynan 99 joba kelip tústi, onyń ishinde turǵyndardyń daýys berýine sáıkes 31 joba júzege asyryldy Búgingi kúni 21 nysannyń qurylysy aıaqtaldy, qalǵan jumystar aıaqtalýǵa jaqyn», - dedi ÓKQ brıfıńi spıkeri.
2021 jyly «2021-2022 jj.halyqtyq qatysý búdjeti» baǵdarlamasy aıasynda 175 joba kelip tústi, onyń ishinde qala turǵyndarynyń daýys berýimen 1,3 mlrd teńge somasyna 26 joba iske asyrýǵa jiberildi.
24 joba bos jerlerde jańa keńistikter qurýdy kózdeıdi. Bul balalar oıyn alańdary, vorkaýttar men sport keshenderi, jaıaý júrginshiler men jasyl aımaqtar. Sondaı-aq, jobalardy tańdaý kezinde ár shaǵyn aýdandy qamtıtyn qoǵamdyq keńistikti eskerildi.
Sondaı-aq, magıstraldy kósheler boıyndaǵy (Rysqulov dańǵyly, Momyshuly kóshesi) jasyl aımaqty tıimdi ustaý úshin avtomatty sýarý júıesin aǵymdaǵy jóndeý boıynsha jumystar júrgiziletin bolady.
Almaty qalasynyń Jasyl ekonomıka basqarmasy bir saıabaq pen eki jyra-saıdy kóriktendirý jumystaryn júrgizýge jobalyq-smetalyq qujattama ázirleýde. Jobalarda trotýar plıtalaryn tóseý, jańa jaryqtandyrý, balalar alańdaryn, oryndyqtar men qoqys jáshikterin ornatý, pırsterdi jaılastyrý jumystary qarastyrylǵan. QMJ ótkizýdiń josparlanǵan merzimi - 2023 jyldyń sońyna deıin.