«Altyn-Emel» memlekettik ultyq tabıǵı parkinde jabaıy ańdar kóbeıip barady.
Sebebi ulttyq saıabaq aýmaǵyndaǵy qyzyl kitapqa engen qulan sany tórt myńǵa, al qaraquıryq alty myńǵa jetken. Munda Qazaqstannyń qyzyl kitabyna engen jan-janýarlardyń 25 túri meken etedi, dep habarlaıdy almaty-akshamy.kz .24.kz-ke silteme jasap. Jaıylymnyń tarylýyna baılanysty qazir qulandardy elimizdegi ózge rezervattarǵa jersindirý jumystary júrip jatyr. İle ózeniniń oń jaǵalaýyndaǵy jazyqtyq pen Jetisý Alataýynyń silemderinde ornalasqan park aýmaǵynda Prjevalskıı jylqylary, 3 myńdaı taýteke jáne 115 bas Tán-SHan arqary bar. Al qar barysynyń sany 13-ke jetken. Park qyzmetkerleri sonyń úsheýiniń moınyna sandyq qarǵybaý taǵyp, bet alǵan baǵytyn únemi baqylap otyr. Bıyl «Altyn-Emelge» 16 myńnan astam týrıs kelgen. Koronavırýs pandemıasy aıaqtalǵaly munda sheteldik saıahatshylar da jıi taban tireıtin boldy.
Qýat Baıturbaev, "Altyn-Emel" MUTP" bas dırektory:
- «Altyn-Emel» parkinen basqa rezervattarǵa, parkterge osy jerden jiberip jatyrmyz. «İle-Balqashqa» byltyr 60 bas jiberdik. «Altyn dalaǵa» da jiberdik. Barlyǵynyń sany 304 bas qulan osy jerden jiberilip jatyr. Qazaqstanda birinshi ret osy «Altyn-Emeldiń» taýynan snejnyı bars deımiz ǵoı, ilbisterdi ustap, 3 barysqa biz osheınık kıgizdik.
Murat Sydyǵalıev, "Basshı" ormanshylyǵynyń basshysy:
- IýNESKO-ǵa kirdik. Qulan ketip qalmaýy úshin bizdiń terıtorıadan qystyń kúni qar jaýyp, netetin bolsa, ishine shóp tógemiz. Qustarǵa besedkalar ornatamyz. «Altyn-Emel» ulttyq tabıǵat parkiniń jan-jaǵynyń bári qorshaýda. Myna jaǵynda post tur, kúnshyǵys jaǵynda taǵy post tur. Eshqandaı kirý degen joq. 10 jyldyń kóleminde qazir eshqandaı zańbuzýshylyq joq dep esepteýge bolady.