Almatyda 1965 jylǵy qubyrdy aýystyrýǵa baılanysty Lavrenev kóshesiniń bir bóliginde kólik qozǵalysy ýaqytsha shekteledi, dep habarlaıdy Aqshamnews.kz.
Aldaǵy jylytý maýsymyna daıyndyq aıasynda Túrksib aýdanynda josparly jylý júıelerin jańǵyrtý jumystary júrip jatyr. Bul jumys aıasynda uzyndyǵy 4,1 shaqyrym bolatyn 1965 jyly paıdalanýǵa berilgen jylý qubyrlary aýystyrylady.
Osyǵan baılanysty 2025 jylǵy 25 shilde kúni saǵat 23:00-den bastap 28 shilde saǵat 06:00-ge deıin Lavrenev kóshesiniń boıymen Namangan kóshesinen Maılın kóshesine deıingi bóligi kólik qozǵalysy úshin ýaqytsha jabylady. Qozǵalys eki baǵytta da shekteledi.
Shekteýler joldyń astynan ótetin qubyr jelisin qaýipsiz túrde aýystyrý maqsatynda engizilip otyr. Jańartý jumystary kezinde tutynýshylarǵa ystyq sý berý toqtatylmaıdy.
Bul jylý jelisi 42 kópqabatty turǵyn úıdi, bir balabaqshany, bir emhanany jáne 4 nysandy jylýmen jáne ystyq sýmen qamtamasyz etedi.
Jalpy, bıyl qala boıynsha 39 shaqyrym jylý qubyryn jańǵyrtý josparlanǵan. Bul sharalar jylý jelileriniń tozý deńgeıin 54%-ǵa deıin tómendetedi.
Aıta keteıik, qozǵalysqa qatysty barlyq aqparat Almaty.kz saıtynda, @AlmatyJoly Telegram arnasynda, aýdan ákimdikteri men basqarmalardyń áleýmettik jelilerinde, sondaı-aq «2GIS» jáne «Iandeks kartalar» servısterinde jarıalanady.