Almatynyń taý bókterindegi iri qurylys alańy sot sheshimimen súrilip jatyr. «Jańarý» 556 ÓK-de blokty turǵyn úıler buzylady, dep habarlaıdy Aqshamnews.kz Almaty qalasynyń Qala qurylysyn baqylaý basqarmasyna silteme jasap.
Úı qurylysy bastalǵanǵa deıin menshik ıesine (jeke tulǵaǵa) qatysty taý etegin kesip, tirek qabyrǵasyn zańsyz salǵany úshin nusqama berilgen edi. Keıinnen májbúrlep oryndaý týraly talap-aryzben ákimshilik shara qoldanyldy.
Keıin qoldaǵy ruqsat qujattaryna sáıkes menshik ıesi baý-baqsha úılerin salýǵa kirisip, eki blokty turǵyn úı salǵan. Qurylys aıaqtalǵan soń menshik ıesi nysandy baý-baqsha úıi retinde óz betimen paıdalanýǵa bergen, biraq bul kelisilgen eskızdik jobaǵa sáıkes kelmegen.
Basqarma menshik ıesine qatysty ákimshilik sharalar qoldanyp, 2024 jyly 16 mamyrda Almaty qalasy Bostandyq aýdandyq sotyna bastapqy qujattardy joıý jáne nysandardy buzý týraly talap aryz bergen.
Sot isteri aıaqtalǵannan keıin 2025 jyly 20 mamyrda menshik ıesiniń apelásıalyq shaǵymy qanaǵattandyrylmaı, buzý týraly sheshim zańdy kúshine endi.
Nysandy buzý búgin Almaty qalasy Ádilet departamentiniń sot oryndaýshylarynyń qatysýymen bastaldy.